26 февруари 2010

Слушајте ги омилените радио станици во кое било време

Онлајн радиото „Туна” е бесплатна алатка која, покрај тоа што овозможува слушање на која било радио станиица, содржи и вграден пребарувач во реално време. Откако ќе го внесете името на музичкиот изведувач, песната или пак жанрот кој сакате да го слушате, пребарувачот веднаш ќе ви прикаже листа на резултати од кои ќе може да ја одберете саканата опција. Доколку тоа што го барате моментално го нема, пребарувачот ќе ви понуди слични резлутати.

Сајтот нуди опциона регистрација, што значи дека сервисот може да го користите дури и без да се регистрирате. На средината на страницата е поставен пребарувачот, а на левата страна се поставени петте глобално најслушани песни. Во десниот дел се наоѓа мени со веќе поставени жанрови, а кога ќе одберете еден, добивате паѓачко мени со повеќе поджанрови. За одбраната станица ќе може да прочитате детали за „највртените“ музички стилови, артисти и песни на истата. Доколку сте регистрирани, може да ги означуавате и зачувувате станиците и на тој начин да ги слушате кога и да посакате. Покрај зачуваните станици, на вашиот профил ќе се појави и музичка историја, во која ќе ви биде достапно се што дотогаш сте слушале. Станиците може да ги споделите на „фејсбук“, „твитер“, „диг“ или „стамбл апон“ и на тој начин да им покажете на вашите пријатели што моментално слушате.

Дополнување: неопределиво
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: нема
Гугл-ранг: 1/10
Политика за приватност: има
Јазик: англиски
Адреса: radiotuna.com

25 февруари 2010

Кампувајте на американскиот континент

Доколку сте љубител на кампувањето или пак едноставно сакате да се впуштите во авантура спиејќи под отворено небо, веб порталот “Кампинг“ може да ви биде од голема корист. Основната цел за која е создаден овој сајт е да се поврзат луѓето кои уживаат во кампувањето, да споделуваат искуства и совети меѓусебно, а воедно претставува и комплетен водич за оние кои немале досега никаков допир со оваа област.

Доколку сте неодлучни каде да заминете на кампување, на сајтот можете да одберете една од многуте понудени атрактивни кампинг локации низ американскиот континент и за истата можете да дознаете цени, услови, патокази, мапи и многу други интересни нешта кои ќе ви го привлечат вниманието. Доколку сакате, можете да станете и член на заедницата на сајтот и да ги споделувате вашите совети и искуства за кои сметате дека можеби ќе бидат од корист за некој друг. За станување член се што треба да направите е да ги оставите личните податоци, отворајќи свој профил.

Онлајн продавницата на сајтот нуди секаков вид опрема и производи за вашето кампување и истите се прикажани и детално објаснети. Плаќањето се врши преку кредитна картичка, а за доставата плаќате во зависност од каде ја правите нарачката. Доколку не сте задоволни од производот кој сте го нарачале, производите можат да бидат вратени, доколку ги исполнувате правилата утврдени во политиката за враќање на производите. Меѓу поинтересните работи на сајтот е тоа што можете директно да изнајмите, купите или продадете кампинг приколка или кампинг комбе.

Дополнување: редовно
Брзина: солидна
Функционалност: одлична
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: има
Гугл-ранг: 5/10
Политика за приватност: има
Јазик: англиски
Адреса: www.camping.com

24 февруари 2010

Креирајте си свои радио станици онлајн

Ако сакате да слушате музика додека работите, учите или одмарате и имате желба да чуете нова музика од вашите омилени музички стилови, „џанго“ може да ви донесе позитивна промена во вашите секојдневни животни навики.

Џанго е сервис кој овозможува креирање на лични радио станици од страна на своите корисници, базирани на избор на омилен пејач, група или песна. Врз основа на оваа песна, сервисот ги препорачува следните и така се креираат станиците кои потоа може да се избираат во разни прилики и расположенија. Корисниците дополнително можат да му помогнат на сервисот во креирањето на личните станици, со рангирање на песните кои моментално ги слушаат. Врз основа на вашата оценка за секоја песна, џанго ќе знае дали сакате да ја слушате често, понекогаш или пак тој сосема да ја отстрани од листата. За секоја песна можете да ги добиете стиховите, песната да ја споделите како линк или по имејл, да гледате слики и видеа итн.

Станиците може и отпосле да се уредуваат и прилагодуваат на преференциите на корисникот. Покрај личните станици на корисниците, тие може да пребаруваат музички станици и според жанрови или според други критериуми.

Џанго е меѓу другото и социјална мрежа, овозможува креирање и уредување на свој профил, поврзување со други онлајн пријатели и приклучување на нивните јавни радио станици.

Дополнување: неопределиво
Брзина: средно
Функционалност: задоволителна
Дизајн: пристоен
Навигација: средна
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 6/10
Јазик: англиски
Политика за приватност: има
Адреса: www.jango.com

Анализа на домени и политики на приватност на македонските веб-сајтови рецензирани во „Веб-сајт на денот“

Анализата на присуство на политика на приватност кај рецензираните македонски веб-сајтови за периодот од април 2008 до февруари 2010 година, кои ги објавува Фондацијата Метаморфозис во рубриката „Веб-сајт на денот“ во дневниот весник „Време“, укажува дека само мал број од нив имаат ваков дел.

Политика на приватност (П.П.) е документ, страница или дел од страница на веб-сајтот со која се објаснува на кој начин администраторите постапуваат со личните податоци на посетителите. П.П. е одраз на постоењето свест за законските ограничувања и обврски во оваа област, како и на тоа дали во рамките на фирмата/организацијата се воспоставени работни процедури со кои се гарантира заштита.

Голем број македонски сајтови не го користат доменот .mk, па затоа податоците за присуството на политика на приватност кај 63 сајтови од примерокот се претставени според доменот:

Изборот на веб-сајтови за примерокот не е воден според тоа дали имаат или немаат политика на приватност, но поради ограничениот број вклучени сајтови, тој не може да се смета за статистички репрезентативен за сите македонски сајтови. Рецензираните веб-сајтови се избрани заради некое својство: квалитет, оригиналност на идеја, популарност и сл. и како такви се препорачани на публиката на весникот Време, како и на посетителите на овој блог.

Подетален приказ по домени до второ ниво е даден во следната табела.

Од 63 македонски веб-сајтови, само 15 имаат политика на приватност, или изразено во проценти, тоа се 23.8% од сите македонски рецензирани веб-сајтови за избраниот период. Најголем број од рецензиите се за веб-сајтови кои имаат домен com.mk (21) односно 33.33 % од сите. Потоа следуваат сајтовите со домен .mk (17) – 26.9% и сајтовите со домен .com (12) – 19%.

Листа на рецензирани македонски веб-сајтови во периодот април 2008 - февруари 2010 година со политика на приватност:

  1. Твоја музика - рецензија
  2. Терминологија - рецензија
  3. Mladiinfo - рецензија
  4. Купи.сè - рецензија
  5. Ибид - рецензија
  6. ДеБагирај - рецензија
  7. ГВГ Миднајт - рецензија
  8. Одговори - рецензија
  9. Патувај Заедно - рецензија
  10. Doma.com.mk - рецензија
  11. Step.mk - рецензија
  12. ping.mk - рецензија
  13. FlowerShop - рецензија
  14. Трговски центар - рецензија
  15. ParkNOW - рецензија

забелешка: некои од рецензираните веб-сајтови, во меѓувреме станале неактивни

23 февруари 2010

Споделете ги вашите слики онлајн брзо и едноставно

Дивишот” е корисен сервис кој не само што ви овозможува лесно да ги споделите вашите слики, туку и да креирате онлајн албуми во кои вашите роднини или пријатели ќе можат да додаваат фотографии. Албумите може да ги креирате и по одредени настани на кои не сте биле единствениот гостин со фотоапарат во раката. На тој начин ќе можете да ги споделите фотографиите од вашата забава, концерт, роденден или семејна прослава со сите кои присуствувале на истата.

Користењето на сервисот започнува со кратка регистрација, а потоа можете да го уредувате вашиот профил или директно да преминете на креирање настани во кои ќе прикачите слики. Сликите се поставуваат со пребарување меѓу папките на вашиот компјутер, или пак со помош на принципот “повлечи и додај”, (само за корисниците на прелистувачот Мозила фајрфокс). Откако ќе ги прикачите сите слики од настанот, може да одберете истиот да го одобрите за јавен преглед, или да го направите приватен. Потоа настанот може да го споделите на твитер или фликр. Исто така, корисниците на фликр, можат да ги достават своите дотогашни фотографии на дивишот.

Сајтот содржи и одлична апликација за ајфон, со која покрај споделување на слики од вашиот телефон, истите можете да ги пратите на друг ајфон со спојување на двата телефона и нивно наизменично тресење.

Дополнување: од корисниците
Брзина: брзо
Функционалност: одлична
Дизајн: прегледен, едноставен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: нема
Гугл-ранг: 5/10
Политика за приватност: има
Јазик: англиски
Адреса: divvyshot.com

18 февруари 2010

Создадете свое креативно видео брзо и лесно

Мешер“ е одличен сервис во кој се искомбинирани алатки кои овозможуваат создавање видео во кое ќе бидат измешани песни, слики и видео материјали во една целина. Со ваквиот производ вие ќе можете да се пофалите како сте си го поминале летниот одмор, да честитате роденден, да изненадите некоја ваша драга личност или пак едноставно да ја покажете вашата креативност.

За да ги користите услугите на овој веб портал, потребно е да се бесплатно регистрирате преку стандардната постапка, оставајќи ги вашите лични податоци. За да можете да ги вметнете посакуваните елементи и ефекти на видеото, студиото работи на принцип "повлечи и додај", а алатките кои се понудени за обработка на вашиот проект се многу лесни за употреба. Самиот сајт располага со огромна база од илјадници видеа со високо квалитетна слика и музички спотови од разни жанрови. Сликите и видеата можат да бидат прикачени и од компјутерот на корисникот. Изработеното видео, многу лесно, потоа може да биде споделено на Фејсбук, Мајспејс, да се испрати преку имејл или пак директно да се вметне на некој сајт или блог.

Дополнување: редовно
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 3/10
Политика за приватност: има
Јазик: англиски
Адреса: www.masher.com

17 февруари 2010

Онлајн честитки за секоја пригода

Овој сајт нуди одлична можност, на креативен и интересен начин, да честитате некому нешто или едноставно да испратите поздрав до некоја ваша драга личност. Сервисот има база од илјадници честитки за каква било пригода и настан (родендени, свадби, годишнини, честитки за нова година, за денот на вљубените, за први април...).За користење на услугите на овој веб-сајт не е потребна никаква регистрација, а за испраќање на онлајн честитките нема да потрошите ниту денар. Постапката е брза, лесна. Честитките се поделени во категории во однос на поводот за кој се наменети и преку нивно одбирање, сајтот ви ги понудува оние кои се наоѓаат во нив. Откако ќе ја одберете честитката која ви се допаѓа, постапката за испраќање е многу едноставна. Го впишувате вашето име и вашата имејл адреса и името и адресата до која што треба да стигне честитката, соодветно на празните полиња. За да биде постигнат ефектот на честитката, одбирате една мелодија од понудените и, доколку сакате, можете да оставите и некоја порака.

Мала мана на овој сервис е тоа што честитките не пристигнуваат веднаш и ќе треба да почекате неколку часа. По пристигнувањето на честитката на адресата на која е испратена, добивате известување за тоа дека честитката успешно пристигнала и уште едно соопштение кога лицето кон кое сте ја испратиле честитката, ја отворило. Честитките исто така можете да ги прикачите на вашиот блог или веб-сајт преку копирање на ХТМЛ кодот или нејзиниот линк.


Дополнување: редовно
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 3/10
Политика за приватност: има
Јазик: англиски
Адреса: www.123greetings.com

16 февруари 2010

Згответе нешто вкусно со продуктите кои ги имате дома

Суперкук“ претставува веб-локација која може да биде многу корисен во секое домаќинство. Неговата намена е да ви помогне да зготвите вкусно јадење, а притоа да ги употребите само продуктите кои ги имате дома или пак само оние кои вие ги сакате. Сајтот е направен во 2008 година и постигнува одлични резултати, често наоѓајќи се помеѓу најдобрите 50 веб-локации.Сајтот располага со огромна база на рецепти за приготвување на јадења за каква било прилика. Во полето “додади“ ги впишувате состојките кои сакате да ги искористите и тие директно се префрлаат во рубриката “Моја кујна“. Потоа на листата ќе ви бидат прикажани сите рецепти кои можете да ги направите со нив. Доколку додадете или пак да отстраните некоја состојка, листата со рецепти автоматски се обновува и ги прикажува само рецептите кои остануваат после промената. Доколку од набројаните продукти сакате да потенцирате некоја состојка како главна, селектирајте ја во вашиот список и рецептите во кои доминира ќе се подредат како први. Сајтот исто така ги прикажува и рецептите во кои се содржани вашите избрани состојки, но и оние за кои ви се потребни и други состојки кои ги немате наведено. Откако ќе одберете едно од понудените јадења во листата, сајтот ќе ве префрли на страницата на која се наоѓа рецептот и ќе ви ја прикаже постапката за негово приготвување.

За користење на овој интересен сервис нема потреба од регистрирање, но доколку сакате истото можете да го направите бесплатно. Креирањето на ваш личен профил може да ви биде од корист доколку сакате да си ги зачувате омилените рецепти или пак да ги отпечатите состојките кои ви недостасуваат за подготовка на саканите јадења, во вид на шопинг листа која сајтот сам ќе ви ја генерира.


Дополнување: редовно
Брзина: брзо
Функционалност: одлична
Дизајн: интересен, прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 5/10
Политика за приватност: има
Јазик: англиски
Адреса: www.supercook.com

15 февруари 2010

Дигитално пишување без одвлекување на вниманието

Дарк копи“ е едноставна онлајн алатка за пишување чија цел е да овозможи куцање на текст без одвлекување на вниманието со дополнителни елементи на екранот.

Почетната страница е веднаш подготвена за користење без потреба од регистрација и најавување. Веднаш може да се пишува во предвидениот квадрат или со клик да се премине на користење на алатката на цел екран. За оваа цел, се отвора нов прозорец од прелистувачот.

Концептот е едноставен и се базира на идејата на „Рајт рум“ – кој е уште еден ваков софтвер од комерцијална природа. За разлика од него, дарк копи е бесплатен за неограничено користење. За проверка на правописот се користи вградената алатка во прелистувачот, додека документите на крајот се зачувуваат во „.txt“ формат.

Црната заднина и зелените букви кои трепкаат ќе ви овозможат ослободување на умот и целосно посветување на пишувањето, без никакви пречки во работата.

Дополнување: нема
Брзина: брзо
Функционалност: одлична
Дизајн: едноставен
Навигација: нема
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 4/10
Јазик: англиски
Политика за приватност: нема
Адреса: darkcopy.com

11 февруари 2010

Каде ќе купувате за денот на вљубените?

Дали веќе размислувате каде ќе купувате овој Свети Валентин? Сакате да изберете нешто квалитетно а брзо, без да ви одземе многу време? Или можеби се наоѓате далеку од своите најмили, а би сакале да им ја изразите вашата љубов и грижа со романтичен букет? Еве едно предлог решение за вас.

Флауершоп” е првата македонска интернет цвеќарница каде можете да купувате различно аранжирани букети и некои други помали подароци за секакви пригоди: од родендени, свадби, крштевки и други свечени погодности, до изразување сочувства, благодарност, па дури и деловни подароци. Основан уште во 2004 година, кога онлајн купувањето во Македонија воопшто и не беше возможно, Флауершоп првично беше наменет за странски купувачи кои сакаат да останат во контакт и да им испраќаат подароци на своите најблиски во Македонија. Денес, со се поголемата пракса на онлајн купување и кај нас, услугите на оваа интернет цвеќарница се лесно достапни и за сите граѓани во Македонија.

Подароците можете да ги купувате според пригода или според цена, при што самото купување се врши многу брзо и едноставно. Без потреба од претходно регистрирање, многу лесно, откако ќе го изберете подарокот само означувате “додај во кошничка” и продолжувате кон безбедносната веб-страница за плаќање. Овде ги внесувате вашите лични и финансиски податоци за извршување на трансакцијата. Плаќањето се врши исклучиво преку интернет и тоа во моментот на правењето на нарачката. Доколку поседувате Пејпал сметка, плаќањето можете да го извршите со неа, во спротивно ги внесувате деталите на вашата кредитна/дебитна картичка.

Вашиот подарок може да биде испорачан на која било валидна адреса во Македонија при што не треба да доплатите ништо за вршење на испораката. Единствено што би можело да се забележи е дека цветните аранжмани презентирани на сајтот се прават од сезонски цвеќиња, така што во случај истите да се недостапни, се врши замена со друга боја или слични цвеќиња. Како и да е, свежината и квалитетот на букетот се очекува да останат исти.

Дополнување: неопределиво
Брзина: брзо
Функционалност: одлична
Дизајн: класичен, соодветен
Навигација: минимална
Пребарувач: нема
Клучни зборови: има
Јавен бројач: има
РСС/Атом: нема
Гугл-ранг: 4/10
Јазик: македонски, англиски
Политика за приватност: има
Адреса: flowershop.com.mk

09 февруари 2010

Интересен сервис со можност за заработка преку споделување видеа

БлипТВ“ претставува платформа за креаторите на веб шоуа, кој нуди беплатен хостинг, дистрибуција до други мрежи, необврзна можност за маркетинг со добивање удел од приходите од рекламите и управување со видеата согласно потребите на корисникот. Создаден е во 2005 година, а денеска тој има 22 милиони гледачи кои имаат можност да гледаат преку 2.4 милиони епизоди (видеа).
За да можете да станете корисник на овој сервис потребно е да направите свој профил, преку кој ќе можете да прикачувате свои видеа. Бесплатниот профил овозможува прикачување на видеа со максимално времетраење од 2 часа и помала брзина за прикачување. Така што, за видео со времетраење од 10 минути ќе треба да почекате околу половина час. Доколку сакате да имате претплатнички, односно професионален профил, кој ќе ве чини 8 американски долари месечно или 96 американски долари годишно со што би добиле и 2 дополнителни месеци бесплатно, видеата кој ќе ги прикачувате ќе можат да бидат со времетрање до 6 часа и брзината за прикачување ќе се зголеми во зависност од интернетот кој го користите. И двата профила овозможуваат можност за заработка преку додавање на реклама, која би се појавувала пред почетокот на видеото и заработената сума би се делела 50:50 помеѓу создавачот на содржината и “БлипТВ“.

Сервисот исто така овозможува симнување на скоро сите поставени видеа на сајтот бесплатно, вклучувајќи ги и оние кои ги има транскодирано во флеш. Видеата кои ги имате поставено на сервисот исто така можат и директно да бидат дистрибуирани на многу други сервиси како што се Јутјуб, Фејсбук, Ајтјунс, Вимео, МСН видеа и на многу други сервиси и мрежи.

Дополнување: редовно
Брзина: брзо
Функционалност: одлична
Дизајн: прегледен, едноставен
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 7/10
Политика за приватност: има
Јазик: англиски
Адреса: www.blip.tv