Веб-сајт на денот

Доктори пишуваат за здравјето

2011-06-16T09:03:00.000+02:00

Бидејќи здравјето е најважно, информации на оваа тема секогаш се добредојдени, а уште повеќе ако доаѓаат од стручни лица како докторите. Токму вакви информации ќе може да најдете на веб-сајтот „Доктори“ на кој редовно се објавуваат содржини на македонски јазик.

Веб-сајт со совети за здравјето дадени од докторите

Самиот веб-сајт е дело на повеќе автори, доктори на медицина, стоматолози и претставници на здравствени установи. Како што самите кажуваат на сајтот, информациите ги нудат со цел да помогнат во разбирањето на здравствените проблеми и да поттикнат на размислување за здравјето. Нивниот слоган е: „Живеј мудро. Живеј здраво“.

Содржините се поделени во неколку категории и тоа: медицина, стоматологија, животен стил, вежби, исхрана и занимливости. Во секоја од нив можете да најдете интересни информации и совети, како на пример: информации за тоа како настануваат алергиите, корисноста на морската сол за здравјето и убавината, вежби за цело тело или за трудниици и сл.
Интересен дел од сајтот е и мапата преку која може да пребарувате здравствени установи и спортски и рекреативни центри, според специјалноста и градот во кој се лоцирани. На овој начин може лесно да ја лоцирате, на пример, најблиската установа за педијатрија. На мапата, бесплатно може да се додаде која било установа од оваа област.

Секој доктор на медицина, доктор на стоматологија или претставник на некоја здравствена установа може да стане дел од тимот на „Доктори “.

Дополнување: редовно
Брзина: брзо
Функционалност: добра
Дизајн: прегледен
Навигација: добра
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 0/10
Политика за приватност: нема
Јазик: македонски
Адреса: doktori.mk

Дознајте со која партија најмногу се согласувате

2011-06-03T09:17:00.001+02:00

За првпат во историјата на македонската демократија, преку веб-апликацијата „Гласомер.мк“ граѓаните имаат можност директно да ги споредат политичките понуди на партиите што учествуваат во избори со своите ставови и мислења.

Веб-сајт со кој може да дознаете со која политичка партија најмногу се согласувате

Гласомер функционира на тој начин што граѓаните одговараат на 54 прашања во долгата верзија, односно 31 прашање во кратката верзија, поделени во 8 области, со цел да го проверат нивото на согласување на своите ставови со ставовите на политичките партии во Македонија. На овој начин граѓаните имаат можност да дознаат и многу повеќе за декларираните ставови на политичките партии по низа прашања поврзани со јавните политики во клучните општествени области.

Сите политички партии во Македонија добиле покана да одговорат на едноставен прашалник и на тој начин да ги известат граѓаните за своите ставови, мислења и намери. Најголем дел од клучните политички субјекти ја искористиле оваа можност за транспарентен контакт со електоратот и нивните одговори се внесени во системот.

Со објавување на Гласомерот, Фондацијата „Метаморфозис“ од Скопје во соработка со граѓанските здруженија „Зашто не“ од Сараево и „ЛиНет“ од Белград, ја продолжува регионалната иницијатива за примена на нови технологии за едукација на гласачите и поголема транспарентност на политичките субјекти поддржана од американската непрофитна фондација НЕД, финансирана од Конгресот на САД, како дел од напорите за развој на демократијата во регионот.

Дополнување: нема
Брзина: брзо
Функционалност: одлична
Дизајн: одличен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: непознат
Политика за приватност: има
Јазик: македонски, албански
Адреса: glasomer.mk

Информации за фармерите

2011-05-23T16:44:00.000+02:00

Земјоделството претставува многу важна гранка која придонесува за развојот на македонската економија. Кога на земјоделците би им биле достапни повеќе информации и совети во врска со оваа гранка, тоа уште повеќе би помогнало во нејзиниот развој. Веб-сајтот на Федерацијата на фармерите на Република Македонија (ФФРМ) токму тоа и го прави: нуди совети, информации и документи со кои можат да им ја олеснат работата на фармерите.

Веб-сајт со корисни информации за фармерите

Се работи за Федерација, односно здружение на граѓани чија цел е да ги заштитува економските, социјалните и културните интереси на фармерите. На нивниот веб-сајт редовно, во категоријата „Вести“, објавуваат најави за настани, соопштенија и други информации од оваа област. Во категоријата „Совети“ нудат совети од неколку области на земјоделството: градинарство, лозарство, овоштарство итн. Обично се работи за совети за проблеми со кои фармерите се соочуваат секојдневно во нивната работа, како на пример: справување со штетни организми, нови методи и технологии кои се употребуваат во сточарството, механизација и слично.

Категоријата „Документи“ може да биде особено корисна за фармерите. Тука ФФРМ нуди документи кои можат да помогнат во работата на фармерите: различни брошури, закони кои ги засегаат фармерите, информации за ИПАРД програмата и сл.

Преку календарот на саеми, пак, фармерите може да се информираат за датумите на одржување на саемите за земјоделци во Македонија, но и во светот.

Сите содржини на сајтот се бесплатни и не е потребна регистрација за истите да се користат.

Дополнување: редовно
Брзина: брзо
Функционалност: добра
Дизајн: добар
Навигација: нормална
Пребарувач: нема
Клучни зборови: има
Јавен бројач: нема
РСС/Атом: има
Гугл-ранг: нема
Политика за приватност: нема
Јазик: македонски
Адреса: www.ffrm.org.mk

Направете си веб-сајт со „Jux”

2011-05-16T14:41:00.000+02:00

Сега е навистина едноставно и за оние кои не се ИТ-едуцирани да си направат сопствен веб-сајт. Единствено, потребно е да знаете англиски јазик и да имате трпение да ги склопите сите работи заедно.

Сервис со кој на едноставен начин може да креирате свој веб-сајт

„Jux” е платформа која ги комбинира принципите на отворениот код и „Криејтив Комонс”. Ви овозможува да направите неограничен број сајтови, бесплатно и да ги исполните со вашата содржина, било да се работи за комерцијален бизнис или за личен експеримент.

За да ја користите оваа платформа потребно е да се регистрирате и да отворите корисничката сметка. Понатаму, создавањето сајт е прилично лесно. „Jux” има готови теми/урнеци на кои може да работите за да го креирате вашиот сајт, а тие се приспособливи, па може да ги уредувате како сакате.

Платформата ви овозможува да додавате различни копчиња, галерии со слики, да вградувате клипови од „Јутјуб”, РСС фидови, копчиња за лајк на „Фејсбук”, копчиња за споделување на други социјални мрежи и многу други опции. Меѓу другото, „Jux” ви овозможува слободен пристап до кодот на страницата.

Најдобро од сè е што платформата не ви наметнува досадни реклами или брендирање. Секако, сајтовите кои ќе ги создадете, во својот домен ќе ја содржат додавката „jux.com”, па доколку сакате сопствен домен, ќе треба да платите.

Дополнување: повремено
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 2/10
Политика за приватност: има
Јазик: англиски
Адреса: www.jux.com

Вашиот водич до случувањата во другите градови

2011-05-12T16:24:00.000+02:00

„Тајм-аут” е веб-сајт кој ви овозможува да патувате низ светските метрополи без воопшто да го напуштите вашиот дом. Всушност, овој сајт е своевиден водич низ светските туристички локации. „Тајм-аут” нуди увид во популарните ресторани, барови и пабови, хотели, музеи и атракции, фестивали, места за класична музика и опера, уметност, театар, кабаре, книги и поезија, спортување и фитнес, шопинг, и што уште не. Овие информации кои би ви се нашле корисни при планирање посета на некој град.

Веб-сајт со информации за светските туристички дестинации

На „Тајм-аут” ќе најдете статии за многу светски дестинации, од Абу Даби, до Пекинг, Бејрут, Буенос Аирес, Кејп Таун, Куала Лумпур, Кјото, Њујорк, Чикаго, Мајами, Москва, Мелбурн, па се до оние нам поблиските европски градови, како Лондон, Париз, Лисабон, Загреб и други.

Овој сајт всушност претставува електронска верзија на магазинот „Тајм-аут”, но информациите кои ќе ги најдете се сосема доволни за да ви го задржат вниманието и да ви се најдат корисни при посета на некоја метропола.

Дополнување: непознато
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 7/10
Политика за приватност: има
Јазик: англиски
Адреса: www.timeout.com

Пронајдете рецепт според состојките со кои располагате

2011-05-11T13:30:00.000+02:00

Несомнено постојат голем број на извори со рецепти за подготовка на вкусна храна. Но, голем дел од нив можеме само да си ги замислиме, првенствено бидејќи не располагаме со состојките потребни за нивна подготовка. Веб-сајтот „Мајфриџфуд“ е малку поразличен, бидејќи ги зема предвид состојките со кои располагате и ви препорачува рецепти кои реално можете да си ги дозволите.

Веб-сајт кој предлага рецепти според состојките со кои располагате

Потребно е само да ги изберете состојките кои ги имате во „фрижидерот“ и да го притиснете копчето „Search receipes“. На почетната страница е дадена исцрпна листа на состојки, поделана во неколку категории, како на пример: пијалаци, млечни производи, сосови, зачини, тестенини и сл. Сервисот ќе ги пронајде и ќе ви ги предложи само оние рецепти кои ги содржат состојките кои ги имате обележано. При тоа, за секој предложен рецепт, ќе ви укаже на тоа колку проценти од потребните состојки поседувате и колку од задолжителните ви недостасуваат. Листата на пронајдени рецепти можете да ја филтрирате со избор на соодветен тип храна, како на пример: вегетаријанска или нискокалорична, или со одредување на максималниот број на калории. Со избирање на конкретен рецепт добивате целосен увид во состојките и начинот на подготовка.

Доколку сакате, може и да се регистрирате на сервисот со што ќе може да ги зачувате вашите состојки за некое идно пребарување. Како регистриран корисник ќе може и вие да поднесете свој рецепт и на тој начин да ја збогатите базата со која располага „Мајфриџфуд“.

Дополнување: од корисниците
Брзина: брзо
Функционалност: добра
Дизајн: прегледен
Навигација: добра
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 2/10
Политика за приватност: нема
Јазик: англиски
Адреса: myfridgefood.com

Веб-сајт за млади новинари

2011-05-10T12:21:00.000+02:00

Во последно време, тинејџерите сè помалку време одвојуваат за читање книги, литература, дневен печат, а уште помалку за создавање содржини. Но, на веб-сајтот „Медиум“ може да се прочитаат написи токму од младите новинари.

Веб-сајт со написи од млади новинари

Самиот веб-сајт е дел од проектот „Медиум“ на дневниот весник Нова Македонија и Високата школа за новинарство и за односи со јавноста. Наменет е првенствено за средношколци и тинејџери, кои сакаат да пишуваат и учат за новинарството и медиумите.

На веб-сајтот се објавуваат написи на теми кои обично ги интересираат средношколците како на пример: мода и училиште, популарни личности, настани кои ги одбележуваат средношколските денови и слично. Тие се дел и од месечното издание на „Медиум“ кој излегува како подлисток на дневниот весник Нова Македонија, како и од онлајн изданието, кое е достапно на самиот веб-сајт.

Сајтот е поделен во неколку категории, но во поголем дел од нив се повторуваат исти написи. Најверојатно со понатамошниот развој, ќе дојде до диференцирање и пополнување и на останатите категории. Интересна е категоријата „Папарацо“ во која може да се погледнат слики направени од самите средношколци или иницијативата за избор на „најкул“ професор со која секој средношколец може да гласа пополнувајќи го онлајн формуларот за свој „најкул“ професор.

Дополнување: често
Брзина: брзо
Функционалност: добра
Дизајн: прегледен
Навигација: добра
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: medium.edu.mk

Конвертирајте датотеки во различни формати

2011-05-05T19:56:00.000+02:00

Сервисот „Замзар“ овозможува конверзија на различни типови датотеки од еден формат во друг.

Сервис кој овозможува конверзија на датотеки во различни формати

Користењето на сервисот е бесплатно. Потребно е само да го прикачите документот чиј формат сакате да го промените, а потоа да го изберете оној во кој сакате да го конвертирате. Притоа, може да прикачите 5 категории датотеки и тоа: документи од програм за канцелариско работење, слики, музика, видеа, е-книги, компресирани документи и CAD документи, креирани во програмата AutoCAD. Сервисот поддржува различни формати за секој од горенаведените категории. Истите може да ги прегледате во делот „Conversion Types“. Секоја прикачена датотека може да биде голема до 100 MB.

Конвертираната датотека ќе може да ја симнете преку линкот што ќе го добиете на имејл адресата која сте ја внеле при прикачување на датотеката.

Доколку сакате, можете да се претплатите на сервисот за да добиете дополнителни погодности, како на пример: прикачување датотеки големи до 1GB или пак лично онллајн складиште големо 100GB.

Интерфејсот и навигацијата на сервисот се едноставни и интуитивни.

Дополнување: нема
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 7/10
Политика за приватност: има
Јазик: англиски
Адреса: zamzar.com

Како функционира животот?

2011-05-04T12:28:00.000+02:00

„Како функционира животот” е веб-сајт со интересни препораки за секојдневни теми. Овде може да прочитате за 3-те работи кои компаниите за осигурување на автомобили не сакаат да ги знаете, како штедливите мајки добиваат 70% попуст на најдобрите работи за нивните деца, новата тајна диета на Холивуд, каде да најдете часовници и накит поевтини за 80%, итн.

Веб-сајт со практични совети за функционирањето на животот

Во повеќето од статиите се промовираат или препорачуваат одредени производи или пак истите содржат вметнати врски кои ве пренасочуваат за да добиете повеќе информации.

Содржината на сајтот е поделена во 9 категории: бизнис, кариера, финансии, здравје и убавина, животен стил, врски, шопинг, технологија и патување. На дното од почетната страница може да ги видите и популарните теми и популарните статии.

Објавените текстови генерално ви даваат совети или ви кажуваат како функционираат некои работи во животот, па може да ви се најдат корисни.

Статиите од „Како функционира животот” може да ги споделите на социјалните медиуми.

Дополнување: често
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 2/10
Политика за приватност: има
Јазик: англиски
Адреса: www.howlifeworks.com

Пополнувајте ПДФ документи онлајн

2011-05-03T11:53:00.000+02:00

Сервисот „Fillanypdf“ овозможува пополнување формулари, кои се зачувани како ПДФ документи. Бидејќи ваквиот формат на документи сè почесто се среќава во употреба, овој сервис навистина може да биде многу корисен. Наместо документот да се печати, па потоа да се пополни, скенира и да се праќа, со овој сервис сè може да се заврши електронски.

Веб-сајт кој овозможува електронско пополнување на ПДФ документи

Единствено што треба да се направи е да се избере документот и да се прикачи, при што сервисот ќе го отвори во својот работен прозорец. Со користење на лентата со алатки, документот понатаму може да се уредува, односно да се внесе саканиот текст, да се означат одредени делови, да се додаде електронски потпис и сл. На крајот, пополнетиот документ може да се симне.

Доколку се регистрирате, прикачениот документ ќе може и да го споделите, поврзете со линк или да го вградите на вашиот веб-сајт со што и други луѓе ќе може да го пополнуваат.

Освен прикачување на ваши формулари, сервисот овозможува пребарување и користење на веќе изработени формулари од други корисници.

Бесплатната регистрација дозволува зачувување на еден и уредување на пет други формулари, додека месечната претплата од 19 долари, овозможува зачувување на 100 формулари и уредување на дополнителни 1000.

Доколку документите не ви требаат онлајн, бесплатно можете да прикачувате неограничен број ПДФ фајлови. Во тој случај, секој ПДФ треба да го пополните и уредите, после што веднаш треба да го преземете и избришете за да ослободите простор за следниот документ на кој ќе сакате да работите.

Дополнување: нема
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 5/10
Политика за приватност: има
Јазик: англиски
Адреса: www.fillanypdf.com

Корисни информации за авантуристи кои патуваат низ Европа

2011-04-29T13:19:00.002+02:00

Доколку спаѓате во групата луѓе кои се авантуристи и сакаат да патуваат со својот ранец низ Европа, тогаш „Врвниот водич за туристи низ Европа” е наменет токму за оние како вас. Тука ќе најдете информации за превозот во земјите низ Европа, популарните дестинации, рецензии на хостели, како и форум со дискусии за прашања поврзани со патувањето во различни земји.

Веб-сајт за авантуристи

Во делот кој се однесува на превозот, понудени се информации за сите видови превоз кои ви се достапни, како: евтини авионски карти, превоз со автобус, возење, планинарење, железнички линии или возни билети. Во делот, пак, за рецензии на хостели, може да видите некои хостели кои постојат во градот каде одите, адреса и контакт, но и да прочитате коментари и искуства од оние кои веќе го посетиле.

Освен интересните податоци кои може да ви се најдат, на пример, која е минималната возраст за да изнајмите автомобил во одредена земја, какви се сообраќајни правила, информации за паркинзи и обезбедување гориво, „Врвниот водич за туристи низ Европа” содржи врски до други корисни сајтови или провајдери на услуги во други земји со што дополнително ви ја олеснува работата.

Доколку сакате да се информирате за дестинации надвор од Европа, „Врвниот водич за туристи низ Европа” ве пренасочува на некоја од неговите регионални страници кои се однесуваат на местото кој ве интересира.

Ако сè уште не сте се одлучиле за следното патување, посетете го овој сајт и најдете ја вашата дестинација.

Дополнување: често
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 5/10
Политика за приватност: нема
Јазик: англиски
Адреса: www.bugeurope.com

Лоцирајте корисни интернет-алатки брзо и едноставно

2011-04-27T16:57:00.000+02:00

На веб-сајтот „Ајтулс“ можете да најдете различни интернет алатки кои често се користат во секојдневното работење, како на пример: веб-пребарувачи, речници, конвертор на парични единици и сл. Со цел да го намали потребното време за наоѓање на секоја од овие алатки поединечно и на тој начин да ни го олесни работењето, овој сајт ги нуди сите нив на едно место.

Веб-сајт со корисни интернет алатки

Алатките се поделени во неколку поголеми категории: „Информации“, „Јазик“, „Медиуми“, „Интернет“ и „Пари“. Секоја од овие категории содржи соодветни поткатегории, кои пак ги содржат конкретните алатки. Така на пример, ако од категоријата „Јазик“ ја изберете подкатегоријата „Речник“, сервисот ќе ве пренасочи кон страница на која се наоѓаат сите веб-речници кои ги предлага овој сервис: Гугл речник, Урбан речник, Вики речник итн. На оваа страница се прикажува првата алатка од листата и истата можете веднаш да ја користите. Останатите се набројани под неа.

За секоја алатка, откако ќе ја изберете, веднаш под името е претставен и краток опис.

На почетната страница, под главните категории, можете да ги видите најновите и најпопуларни алатки на веб-сајтот.

Ве оставаме да го пребарате сајтот и да си ги лоцирате алатките кои сметате дека ќе ви користат. Интернетот нуди голем број алатки за олеснување на работењето за кои не сме ни свесни.

Дополнување: нема
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 8/10
Политика за приватност: има
Јазик: англиски
Адреса: itools.com

Во чекор со најновите трендови во внатрешното уредување

2011-04-21T12:22:00.000+02:00

„Трендир” е веб-сајт каде постојано се објавуваат најновите вести за производи и трендови поврзани со внатрешното уредување на домот. Доколку сакате да ги следите најновите случувања и иновации на ова поле, „Трендир” ви овозможува да бидете чекор понапред.

Веб-сајт со најновите вести за внатрешно уредување на домот

„Трендир” е корисен за оние кои го уредуваат својот нов стан, реновираат или можеби бараат идеја за уредување на својот дом. Секако, вашата реакција ќе биде „О боже!” кога ќе ги видите сите иновативни и авангардни дизајни.

Статиите можете да ги разгледувате од главното мени каде се поделени во категориите: дизајн на куќи, ентериери, ултрамодерни, апарати за домаќинство, вечери и забави, домашна автоматизација, модерни дворови и идеи за дизајн.

Исто така, од десната страна на страницата, истите статии се категоризирани поконкретно, па така, може да разгледувате само статии кои се однесуваат на мебел за бањата, туш кабини, плакари и гардеробери, масички за телевизор итн.

Иако можеби не сте во можност да набавите некои од производите на нашиот пазар, „Трендир” сигурно ќе ви послужи да добиете инспирација.

Дополнување: често
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: има
Гугл-ранг: 6/10
Политика за приватност: нема
Јазик: англиски
Адреса: www.trendir.com

Проверете ја брзината на вашата интернет конекција

2011-04-19T16:08:00.000+02:00

Сигурно некогаш ви се случува да забележите дека имате проблеми со брзината на вашата интернет конекција. Со сервисот „Спидтест“ можете многу брзо и едноставно да ја проверите. Истовремено може да споредите дали вашиот интернет провајдер ви ја обезбедува ветената брзина.

Веб-сајт кој овозможува да ја проверите брзината на вашата интернет конекција

Единствено што треба да направите е да ја изберете опцијата „Begin test“. Сервисот ќе ве лоцира според вашата IP адреса и веднаш ќе ја измери брзината на вашата интернет конекција, односно брзината за качување и симнување на содржини. Добиените резултати, преку графичкиот приказ, ќе може да ги споредите со просечните резултати со кои располага сервисот или пак да ги споделите со вашите пријатели на социјалните мрежи Фејсбук и Твитер.

Доколку ја искористите можноста да се регистрирате бесплатно, ќе добиете неколку дополнителни услуги, како на пример: пристап до сите претходни резултати и нивно уредување од различни компјутери.

Како регистриран корисник, може да ја користите и опцијата „Speed wave“ која им овозможува на корисниците меѓусебно да се натпреваруваат со резултатите од нивните мерења. И ова претставува интересна можност за споредување на вашата брзина со брзината на останатите корисници.

Сервисот е достапен и за корисниците на Андроид-базираните мобилни телефони.

Дополнување: нема
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 7/10
Политика за приватност: има
Јазик: англиски
Адреса: www.speedtest.net

Разменете ги вашите идеи и добијте инспирација

2011-04-15T15:18:00.000+02:00

„Размена на идеи“ е сајт на кој нема да поминете повеќе од 10 минути. Сајтот претставува социјален експеримент на креативците од Хајпер Ајленд - училиштето за дигитален маркетинг во Шведска. Целта на сајтот е да послужи за размена на идеи помеѓу луѓето. Па така, сè што треба да направите е да напишете некоја ваша стара идеја или цел, на пример „Да го посетам Лондон“ или „Да направам столче од рециклирана хартија“ и да го стиснете копчето за размена. За возврат, ќе добиете нечија туѓа идеја. Процесот може да го продолжите додека не наидете на идеја која навистина ви се допаѓа.

Веб-сајт за размена на идеи

Замислата е да ги искористите идеите кои не сте ги употребиле и да ги размените со идеите на другите луѓе кои патем може да ви се најдат корисни. Процесот може да биде барем малку инспиративен, па затоа ви препорачуваме да пробате.

Ако не друго, посетете го овој сајт заради неговата иновативна идеја. Можеби ќе ве поттикне конечно да го фрлите стариот мебел, да посвоите милениче, да дадете отказ, да изградите спејс шатл и да го прошетате светот.

Дополнување: непознато
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: има
Гугл-ранг: 3/10
Политика за приватност: нема
Јазик: англиски
Адреса: www.theideaswap.com

Светските рецепти на едно место

2011-04-14T15:58:00.000+02:00

„Колекцијата на светски домашни рецепти“ е сајт на кој ќе најдете рецепти за храна од целиот свет. Рецептите ги собрале Лора Лав и Сторм Вајлдер уште во 1993 година кога пишувале готвач. Базата содржи над 3000 рецепти од целиот свет и продолжува да расте.

Веб-сајт со колекција на светски домашни рецепти

Рецептите може да ги разгледувате по категории, по земјата од која потекнуваат, но и по азбучен ред според името на рецептот. Секако, може да пребарувате и според состојки. На пример, доколку внесете одредена состојка, како „јагоди“ во пребарувачот, тој за вас ги наоѓа рецептите кои го содржат овој збор.

На дното на рецептите има рејтинг кој ги претставува оценките на корисниците за конкретниот рецепт во однос на едноставноста при приготвувањето, брзината и целокупното задоволство.
Нека не ве залажува застарениот дизајн на „Колекцијата на светски домашни рецепти“ бидејќи овој сајт има што да понуди. Сега е навистина лесно да си подготвите белгиски мус од јагоди или пилешко со брокула во сос од јогурт и кари на индиски начин.

Дополнување: повремено
Брзина: брзо
Функционалност: одлична
Дизајн: едноставен
Навигација: нормална
Пребарувач: има
Клучни зборови: нема
Јавен бројач: има
РСС/Атом: нема
Гугл-ранг: 5/10
Политика за приватност: нема
Јазик: англиски
Адреса: recipes.wuzzle.org

Испратете ѝ порака на иднината

2011-04-13T16:08:00.000+02:00

Како би се чувствувале доколку на некој иден датум добиете електронска порака испратена од самите вас, но од минатото? Морничаво, интересно, забавно...? Сајтот „Futureme“ овозможува да ѝ се обратите на својата иднина, односно на личноста во која сметате дека ќе прераснете, со испраќање електронска порака која ќе ви стигне на вашата имејл адреса на датумот којшто вие ќе го одредите.

Веб-сајт со кој можете да ѝ ипратите порака на вашата иднина

Така, на овој начин може да размислите за тоа што навистина сакате да станете или за конкретни работи кои сакате да ги направите во иднина, а со добивање на самата порака да се потсетите и да споредите дали тие навистина се оствариле. Пораката може да ви послужи како инспирација, како алатка со која ќе може да го споредите вашето минато со сегашноста или пак добар начин да си приредите изненадување на самите себеси (како на пример, со испраќање порака за вашиот следен роденден). Самиот слоган на сајтот е дека мемориите се помалку точни од електронските пораки.

Пораките можете да ги испратите како приватни или, ако сакате да ги споделите со другите корисници на „Futureme“, како јавни, но анонимни. Значи, на сајтот можете и да прочитате пораки кои другите корисници си ги имаат праќано на себеси.

Сервисот можете да го користите без да се регистрирате, но со регистрацијата добивате дополнителни можности како: преглед на сите испратени пораки, нивно уредување и бришење и сл. Најдобро е да користите лична имејл адреса, зашто таа ќе биде онаа на која ќе ви стигне вашата „порака од минатото“.

Дополнување: нема
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 5/10
Политика за приватност: има
Јазик: англиски
Адреса: futureme.org

Започнете го денот со позитивна мисла

2011-04-11T11:32:00.000+02:00

На секој од нас сигурно добро би ни дошло, повремено, да слушнеме по некоја позитивна мисла која би нè оттргнала од секојдневните проблеми и би нè потсетила на вистинските животни вредности. Веб-сајтот „Оптимизам“ токму тоа и се обидува да го постигне: нуди мисли, цитати, приказни кои ја истакнуваат позитивната страна на нештата.

Веб-сајт со позитивни мисли, цитати, приказни...

Самиот слоган на сајтот е: „Сакајте! Смејте се! Живејте!“. Така, тука ќе најдете инспирирачки мисли на тема: љубов, добрина, живот, знаење, пријателство... Дел од нив се мисли од познати писатели, како на пример оваа од Балзак: „Добрината што ги соединува две суштества во едно е толку ретка, колку што е ретка и вистинската љубов. И едното и другото е раскош што си го дозволуваат само убавите души“. Интересни се и поучните приказни и цитати од дела на автори кои се занимаваат со оваа тематика, како Антони де Мело, Калил Џибран и Габриел Гарсија Маркез.

Освен текстуални содржини, во делот „Галерија“ може да најдете слики и видеосодржини поврзани со овие области. Сајтот може да го следите и на Фејсбук.

И за крај, еве уште една мисла од многуте на сајтот: „За да бидеш среќен не значи дека треба сè да ти е совршено. Потребно е само да одлучиш да погледнеш надвор од несовршеноста“.

Дополнување: ретко
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: има
Гугл-ранг: 0/10
Политика за приватност: нема
Јазик: македонски
Адреса: www.optimizam.mk

Урбаниот стил на Скопје

2011-04-04T12:15:00.000+02:00

„Скопје Урбан Стил“ е нов сајт кој функционира од 2011 година. Содржината која ќе ја најдете тука е скроена за оние кои сакаат да погледнат добра стрит и урбана мода.

Сајт со фотографии од луѓе кои ја следат стрит и урбаната мода

Сајтот фунционира на тој начин што секојдневно се објавуваат фотографии од модерни луѓе во Скопје, кои се одликуваат со индивидуална креативност, кои ги следат најновите трендови и урбаниот стил. Ликовите се индивидуи затечени од објективот на авторите некаде низ скопските улици.

Со отворање на сликите може да прочитате кратки информации за личностите на сликите, како нивното име, возраст, висина, омилени марки, да оставите коментар и да гласате за нивната модна комбинација.

Сликите можете да ги разгледувате и по категории како: познати личности, жени, мажи, во пар, ноќна смена, подвижни додатоци, и урбан стил. Исто така, не пропуштајте да ги прочитате малите модни филозофии на влијателните имиња од светската модна сцена кои ќе ве пречекаат на почетната страница.

„Скопје Урбан Стил“ може да го следите на Фејсбук и Твитер.

Дополнување: постојано
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: има
Гугл-ранг: нема
Политика за приватност: нема
Јазик: македонски
Адреса: www.skopjeurbanstyle.com

Зоолошка градина на град Скопје

2011-03-31T12:58:00.000+02:00

„Зоо Скопје” е сајт на зоолошката градина на град Скопје, институција која е оформена уште во далечната 1926 година. Сајтот се одликува со мошне пријатен и едноставен дизајн. Штом ќе го отворите ве пречекуваат зелена заднина и карактеристични сликички од животинки.

Веб-сајт со информации за зоолошката градина- Скопје

На менито од левата страна ќе најдете кратки линкови до повеќе информации за оваа институција, нивното работно време и цени, правилата на однесување, актуелните новости, животните...

Меѓу другото, „Зоо Скопје” има за цел да информира, преку делот за актуелни новости од десната страна на страницата, како и преку категоријата „Во медиумите” каде може да ги прочитате вестите од медиумите во врска со оваа институција.

Но, сајтот, исто така, има и едукативна функција. Имено, на страницата „Животни”, ќе ги најдете животните класифицирани во 3 категории: влекачи, птици, цицачи, а во секоја од категориите ќе најдете опис и кратки информации за секое животно.

Иако, на сајтот ќе забележите можност за негова англиска верзија, сепак, тој во моментот функционира само на македонски јазик.

На „Зоо Скопје” можете да се регистрирате со цел да добивате информатор преку електронска пошта, а секако, може да ја следите и нивната страница на Фејсбук.

Дополнување: често
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: zooskopje.com.mk

Промовирајте ги вашите веб-содржини брзо и едноставно

2011-03-30T16:17:00.001+02:00

Доколку сакате написите од вашиот блог или веб-сајт да допрат до што е можно поширока публика, тогаш „Деливерит“ е алатката која може да ви помогне да ја остварите вашата цел. Се работи за сервис кој автоматски ги објавува написите од вашиот веб-сајт на социјалните мрежи, како Твитер и Фејбук.

Сервис кој автоматски ги објавува вашите веб-содржини на социјалните мрежи

За да го користите сервисот потребно е првин да креирате своја корисничка сметка. Процедурата е навистина едноставна бидејќи сè што треба да направите е да внесете валидна имејл-адреса и лозинка. Потоа, треба да го внесете изворот, односно URL-то на вашата веб-локација и дестинацијата, односно социјалната мрежа на која сакате вашите написи да се објавуваат. Притоа, „Деливерит“ ќе побара дозвола за поврзување на двете кориснички сметки. Доколку изберете тоа да биде Фејсбук, дополнително може да определите дали написите да се објавуваат на вашиот профил или пак, на некоја од страниците или групите кои ги администрирате.

Со оваа креирате една рута, на која подоцна можете да вршите прилагодувања: од една страна на изворот (да изберете на колку време да се проверува изворот за нови написи, колку максимум написи на ден да се објавуваат, да определите текст кој ќе се објавува со секој напис и сл.) и од друга страна на дестинацијата (да изберете дали написот да се објави во вид на линк, како ажурирање на статусот или сл.). Прилагодувања може да се вршат и на самата рута, каде што на пример можете да го смените скратувачот на линкови: наместо dlvr.it, тоа да биде bit.ly.

Во секој момент може да го паузирате автоматското објавување, да го смените изворот или дестинацијата или целосно да ги отстраните истите.

Сервисот нуди и статистика на посетеност на вашите објави.

Дополнување: нема
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: има
Гугл-ранг: 5/10
Политика за приватност: има
Јазик: англиски
Адреса: dlvr.it

Релаксирајте се со вкусни коктели

2011-03-29T15:53:00.001+02:00

После еден напорен ден, сигурно добро би ви дошло мало освежување во вид на вкусен коктел. Сајтот „Коктели“ со своите содржини ќе ви помогне да го изберете вистинскиот вкус и ќе ви даде инструкции и совети како да го подготвите.

Веб- сајт со информации и рецепти за подготовка на вкусни коктели

„Коктели“ нуди колекција на рецепти за коктели кои може да ги пребарате по азбучен ред, по име на коктелот или според состојките. За секој коктел се дадени неговите состојки, начинот на подготовка и типот на чаша во кој треба да го послужите. Доколку не можете да се одлучите за некој конкретен рецепт, погледнете ја категоријата „Најпопуларни коктели“ или пак „Денешни предлози“, во кои секојдневно се објавуваат по три рецепти.

Во делот „Совети“, пак, ќе најдете корисни информации кои ќе ви ја откријат магијата на коктелите. Така, тука ќе најдете опис на состојките на коктелите, нивното значење и правилниот начин на употреба за да се добие вистинскиот вкус и арома. Исто така, корисни се и советите за правилна замена на еден тип алкохол со друг, како и оние кои се однесуваат на другите состојки. Сето ова во комбинација со сите други трикови и занимливости кои можете да ги најдете на сајтот, може да направат да се почувствувате како вистински коктел-мајстор.

Доколку сакате и вие може да предложите свој рецепт со пополнување на едноставниот формулар.

Сајтот има дизајн кој сигурно ќе ве инспирира да подготвите некој од предложените коктели. Единствено, навигацијата може да биде малку збунувачка, бидејќи главното мени, кое обично очекуваме да се најде на врвот на страницата, овде е поставено на дното.

Дополнување: редовно
Брзина: брзо
Функционалност: одлична
Дизајн: одличен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: kokteli.mk

„Тејстспотинг“ - вкусовите на различната храна опишани во детали

2011-03-24T16:49:00.000+01:00

„Тејстспотинг“ е сајт кој претставува своевиден агрегатор на написи за различни рецепти, јадења, видувања за храната, ресторани или речиси сè што е поврзано со кулинарството. Текстовите во детали ги опишуваат различните вкусови на храната, чувствата, емоциите, доживувањата на авторите, а најчесто ги споделуваат и рецептите за опишаните јадења.

Сајт со рецензии на вкусни јадења

Сајтот е оформен во јануари 2007 година и е предводен од идејата дека се храниме преку нашите очи, па така, вниманието кај секој напис ќе ви го задржат прекрасните фотографиите од опишаната храна. На „Тејстспотинг“ ќе најдете рецепти, референци, искуства, приказни, производи, сите инспирирани од различните вкусови.

Написите се класифицирани според датумот, но може да се пристапуваат и преку тематски категории, како и според популарност или по случаен избор. Разгледувајќи го сајтот, едно е сигурно, ќе посакате да каснете нешто вкусно.

Рецензиите, најчесто се написи од различни блогови кои ги поднесуваат корисниците. Доколку и вие сакате да споделите ваше видување за одредена порција храна, потребно е да се регистрирате.

Дополнување: често
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 5/10
Политика за приватност: нема
Јазик: англиски
Адреса: www.tastespotting.com

„Дизајнмег” – интересни содржини за дизајнери и програмери

2011-03-23T11:41:00.000+01:00

„Дизајнмег” е веб-сајт, веројатно најинтересен за оние кои се занимаваат со дизајн и програмирање. Секако, и другите корисници ќе најдат нешто што ќе им го задржи вниманието, на пример, интересни написи за старомодни реклами, или веб-дизајни инспирирани од природата, избор на прекрасни веб-сајтови, инспиративни детски илустрации и многу други дизајни.

Веб-сајт со содржини наменети за веб-дизајнери

На сајтот може да најдете подучувања за дизајн, ресурси, инспирација, и интервјуа на оваа тематика. Целта на сајтот е да ја привлече заедницата на дизајнери и програмери и тие да се вклучат колку што е можно повеќе преку поднесување вести, полнење на галеријата, пишување постови, и оставање коментари.

Сајтот изобилува со мноштво корисни работи за луѓето од оваа бранша, а содржината постојано се обновува што значи дека може да бидете во тек со најновите случувања и алатки од светот на дизајнот.

„Дизајнмег”, исто така, ви овозможува да пополните формулар и да ги ангажирате момците од тимот за да ви помогнат со некаква дизајнерска работа.

Сајтот може да го следите на Твитер.

Дополнување: постојано
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: има
Гугл-ранг: 6/10
Политика за приватност: нема
Јазик: англиски
Адреса: www.designm.ag

Ѕидот на музиката

2011-03-22T12:54:00.000+01:00

„Uwall“ е сајт кој ви овозможува мошне брзо и едноставно да пристапите до музиката од вашите омилени музичари. Дизајнот е прилично интересен, бидејќи веднаш штом го отворите сајтот, ви се прикажува ѕидот на изведувачи, од кои е потребно само да изберете што сакате да слушнете.

Сајт со кој може да ги лоцирате видеоспотовите од вашите омилени изведувачи

Во горниот лев агол на почетната страница можете да го изберете жанрот од кој сакате да ги погледнете музичарите на ѕидот. Доколку не можете да го лоцирате она што сакате да го слушнете, едноставно внесете го името на изведувачот во пребарувачот и тој ќе го најде за вас.

Откога ќе го изберете изведувачот се отвора нов прозорец во кој се пуштаат видеоспотовите од артистот кој сте го избрале. Сервисот ви ги предложува најпопуларните песни од изведувачот, а ви нуди и музичари кои изведуваат сличен тип на музика или се од истиот музички жанр.
„Uwall“ е едноставен и брз начин да уживате во музиката што ја сакате.

Дополнување: често
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: англиски
Адреса: uwall.tv

Не испуштајте ги родендените на вашите блиски

2011-03-14T16:18:00.000+01:00

„Роденденски аларм” е сајт кој ќе ви ги скрати маките кога се работи за паметењето родендени и одбирање роденденски картички за вашите роднини, пријатели и познаници. Сè што треба да направите е да отворите корисничка сметка која е бесплатна, а понатаму е многу едноставно. Со корисничката сметка добивате потсетници за родендени и настани, покани и алатки за планирање, како и повеќе од стотина бесплатни електронски картички.

Веб-сајт со кој нема да ги заборавите родендените на вашите најблиски

Сајтот е основан во 2001 година со цел да им овозможи на луѓето едноставен начин за помнење родендени, но поради позитивниот фидбек, креаторите додале и дополнителни можности.

Со отворањето сметка, сајтот ви овозможува да ги поканите вашите контакти да бидат дел од вашата листа за роденденски честитки. Внесувањето контакти во листата можете да го направите и рачно. Потоа, непосредно пред нивниот роденден ќе ви пристигне известување на имејл кое ќе ве потсети да им испратите електронска честитка, која може да ја изберете од многуте понудени на сајтот.

„Роденденски аларм”, освен роденденски картички, нуди и картички за други пригоди, празници, годишнини, новогодишни и божиќни честитки, љубовни и многу многу други. Некои од електронските честитки се статични, а некои анимирани, но секако тука може да најдете нешто за сечиј вкус и да изненадите некого за нивниот роденден кога најмалку го очекувале тоа од вас.

Дополнување: повремено
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 5/10
Политика за приватност: има
Јазик: англиски
Адреса: www.birthdayalarm.com

Креирајте свои анимации онлајн

2011-03-11T11:33:00.001+01:00

„GoAnimate“ е сервис кој овозможува да креирате свои анимации на лесен и едноставен начин. Најверојатно до сега сте мислеле дека анимациите ги прават луѓе со посебни технички познавања и особена креативност, што е секако вистина. Но, со помош на „GoAnimate“ и вие ќе можете да креирате анимации без претходни технички познавања од оваа област.

Сервис за креирање на анимации

За да го користите сервисот, потребно е првин да креирате своја корисничка сметка. „GoAnimate“ ви нуди можност да го направите тоа бесплатно или пак со претплатување со што ќе добиете дополнителни можности и функционалности. Во секој случај, бесплатната варијанта нуди доволно опции за почетници.

Откако ќе завршите со регистрацијата, „GoAnimate, ќе ви помогне да ги направите првите сцени од анимацијата преку воведен курс кој се состои од едноставни инструкции. Така на пример, следејќи ги инструкциите, прво ќе изберете сцена во која ќе се одвива дејството, ќе додадете карактер на истата, потоа глас на карактерот и сл. Опциите на работната површина се прилично интуитивни, така што по завршување на воведниот курс, ќе можете сами да продолжите со градење на анимацијата. Единствено што е потребно е да дозволите вашата креативност да дојде до израз.

Откако ќе ја креирате анимацијата можете да ја снимите и споделите со вашите пријатели на социјалните мрежи или преку опцијата Embed да ја прикачите на вашиот веб-сајт или блог.

Дополнување: од корисниците
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 6/10
Политика за приватност: има
Јазик: англиски, шпански
Адреса: goanimate.com

Резервирајте карти за културни и спортски манифестации онлајн

2011-03-10T11:51:00.000+01:00

„Купи карти за сè“ е нов веб-сајт на македонскиот веб-простор на кој може да се информирате за најновите културни и спортски манифестации, како и да извршите онлајн резервација на карти.

Веб-сајт на кој можете да резервирате карти за културни и спортски манифестации

Веб-сајтот е всушност сопственост на нова македонска компанија чија цел е да понуди единствен систем на продажба на влезници за културни и спортски манифестации во Македонија, но и надвор.

На веб-сајтот редовно се објавуваат написи за настаните кои ги покрива „Купи карти за сè“ со кратки информации за самиот настан, датумот и местото на одржување, како и информации за цената на влезниците. Особено е корисна опцијата со која преку сајтот можете да резервирате карти за настанот што сакате да го посетите и на тој начин да го осигурате вашето присуство. Резервацијата се прави со едноставно пополнување на формуларот во кој треба да ја внесете вашата адреса за електронска пошта, бројот на карти и да ја изберете локацијата од која ќе ги подигнете картите. „Купи карти за сè“ има воспоставено продажна мрежа на целата територија на Македонија, за што преглед ќе добиете во делот „Продажни места“.

Ве оставаме да уживате на некој од претстојните настани: концерт на Фејтлес на 22 март, Пол Ван Дајк на 1 април...

Дополнување: редовно
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: www.kupikartizase.com

Магични патувања преку фотографиите на Стефани

2011-02-24T12:10:00.000+01:00

Сајтот „Стефаниб“ е преполн со фотографии кои Стефани Бочатај (Stephanie Bochatay) ги сликала во последните 15 години патувајќи низ многу земји ширум светот како Швајцарија, Мароко, Тајланд, Русија, Шпанија, САД, Хрватска, Јужна Африка, Мексико... Стефани низ фотографии ги овековечила моментите кои ги поминала таму, ликовите на старите и новите пријатели.

Веб-сајт со фотографии од патувањата на Стефани Бочатај

Сајтот го прикажува нејзиниот живот низ серија слики кои се класифицирани во неколку категории или албуми: свадби, љубов, забава, пејсажи, деца, портрети, музички фестивали... Фотографиите ве пренесуваат на местата кои ги посетила, а притоа ќе се соживеете со нејзините уникатни доживувања.

Сајтот е мошне едноставен, со едноставна црна позадина што е сосема во ред доколку земеме предвид дека неговата намена е да претставува своевиден каталог, портфолио со слики од авторката.

Доколку сакате да уживате во глетките кои ги нуди добрата фотографија, тогаш нема да погрешите доколку го посетите сајтот на Стефани.

Секако, сликите се заштитени со авторски права и не можете да ги симнувате.

Дополнување: од авторот
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 1/10
Политика за приватност: нема
Јазик: англиски
Адреса: www.stephanieb.com

„Попскрин“ - време за видеосодржини

2011-02-23T15:02:00.000+01:00

„Попскрин“ е интересен сајт кој ви нуди можност да откривате нови популарни видеосодржини. Целта на „Попскрин“ е да најде и да ви презентира видеосодржини, пред тоа да го направат останатите сајтови.

Веб-сајт со популарни видеосодржини

Видеата се поделени на оние кои се популарни во моментот, популарни денес, во изминатите 7 дена или во изминатите 30 дена. Доколку сакате да разгледувате видеа со одредена тематика, тоа можете да го направите со избирање на категориите од кои би сакале да ви се прикажат видеосодржините.

Сајтот нуди можност и бесплатно да станете негов член. Со тоа, меѓу другото, имате можност да направите сопствен видеоканал и да го споделувате со пријателите, како и да гласате на сајтот со т.н. поп-листи каде се прикажуваат видеата кои се селектирани благодарение на гласовите на членовите.

Видеата можете да ги гледате во стандардна големина како и со затемнета позадина. Она што е мошне позитивно е тоа што видеата течат непречено и без заостанување, сецкање или закочување - работи кои понекогаш можат многу да не нервираат.

Дополнување: постојано
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 5/10
Политика за приватност: има
Јазик: англиски
Адреса: www.popscreen.com

Содржини за подобрување на образовниот процес

2011-02-21T13:01:00.001+01:00

Бидејќи училиштето претставува важен дел од нашиот живот, потребата тоа да се направи подобро место за учење е особено важна. Токму тоа и се обидува да го постигне веб-сајтот „Е-педагог“. Се работи за сајт на кој ќе најдете корисни информации кои можат да помогнат во унапредување на образовниот процес.

Веб-сајт со содржини за унапредување на образовниот процес

Бидејќи во образовниот процес не се вклучени само вработените во образовните институции, туку и родителите и самите ученици, веб-сајтот се обидува да претстави содржини за секоја од овие категории.

Содржините се објавуваат во вид на стручни размислувања, истражувања или добри практики од страна на луѓе (наставници, педагози, родители) кои сметаат дека со споделување на нивното лично искуство и знаење би придонеле во подобрување на образовниот процес. Така, во содржините наменети за наставниците, ќе можете да најдете добри практики, како на пример: добар час по ликовно образование, пример за час со примена на ИКТ во одделенска настава во комбинирана паралелка, насоки за планирање и подготовка на наставата, работа со ученици со потешкотии во учењето и слично. Во делот за родители може да најдете интересни информации и идеи, како на пример, активности со кои децата во предучилишниот период лесно би се подготвиле за читање. Сите текстови на „Е-педагог“, освен кратките објаснувања за нив, се дадени во PDF формат. Истите можете да ги преземете, но не и да ги менувате или користите како свои.

Доколку сакате и вие да придонесете со вашето искуство, тоа може да го направите со испраќање на вашиот стручен текст на електронската адреса на креаторката на сајтот.
„Е-педагог“ бил вклучен во 50-те најдобри едукативни сајтови на eLearning Awards 2010 организиран од страна на European Schoolnet (www.europeanschoolnet.org).

Дополнување: од корисниците
Брзина: брзо
Функционалност: одлична
Дизајн: едноставен
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 0/10
Политика за приватност: нема
Јазик: македонски
Адреса: www.e-pedagog.com

„Полдеди“ - софтвер за правење анкети

2011-02-16T17:17:00.000+01:00

„Полдеди“ (PollDaddyѕ) е сајт кој нуди софтвер за правење анкети, прашалници и квизови, брзо и едноставно, за само неколку минути. Софтверот ги прибира одговорите преку вашиот веб-сајт, електронска пошта, ајпед, Фејсбук и Твитер, а потоа можете да генерирате и споделувате извештаи лесни за читање.

Софтвер за креирање на анкети, прашалници и квизови

Оваа алатка може да ја употребите за да правите истражувања, анкети, квизови или да направите рангирање на вашите содржини. Со „Полдеди“ може да правите прашалници со отворени прашања или да понудите неколку одговори во зависност од вашите потреби.

Спектарот на можности за употреба на овој софтвер е навистина голем, па така можете да го употребите за едукативни цели, да ги тестирате вашите ученици, или пак, едноставно да планирате настани со тоа што ќе ги прашате вашите пријатели кој датум највеќе им одговара.

Исто така, можете да комуницирате со вашата публика и посетителите на вашиот сајт и да добиете фидбек за содржините кои ќе ги изберете. „Полдеди“ може да ви помогне да го оцените задоволството на потрошувачите, како тие се чувствуваат во врска со вашите производи и услуги, или можеби да спроведете истражување на пазарот.

Со отворање на бесплатна сметка на „Полдеди“, имате можност за 100 одговори месечно на вашите прашалници, 10 прашања по анкета или квиз, како и основни извештаи за истражувањата, прашалниците и квизовите.

Дополнување: нема
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 8/10
Политика за приватност: има
Јазик: англиски, германски, шведски, арапски, јапонски, кинески
Адреса: polldaddy.com

Дневна доза онлајн игри

2011-02-15T16:17:00.000+01:00

Сигурно на секој од вас ви е потребен барем краток период во текот на денот во кој ќе заборавите на секојдневните обврски и проблеми. „Мини Гејм“ со своите кратки онлајн игри може да ви помогне да се релаксирате, а во исто време и да ги подобрите вашите умствени способности.

Веб-сајт кој нуди едноставни и кратки онлајн игри

Веб-сајтот нуди колекција од кратки игри поделени во неколку категории: акција, авантури, нанишани и пукај, карти, спорт, возење, логички, љубовни и разно. Игрите се едноставни и можат да бидат интересни како за возрасни, така и за помладите. Под секоја од игрите е даден краток опис со цел побрзо да се сфати логиката на играта. Не ви е потребен дополнителен софтвер или пак регистрација за да уживате во оваа кратка забава.

Доколку не знаете за која игра конкретно да се одлучите, погледнете ги прегледите на најиграни игри или пак листата на најнови игри. Сајтот објавува и „игра на денот“ и „игра на неделата“ кои дополнително можат да ви помогнат при изборот.

Освен игри, сајтот содржи и рубрика наречена „Новитети во гејмиг светот“ во која се објавуваат новини од оваа област.

Дополнување: редовно
Брзина: брзо
Функционалност: одлична
Дизајн: едноставен
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 2/10
Политика за приватност: има
Јазик: македонски
Адреса: minigame.mk

„Твое бебе“ - бременост, бебе, зачнување, родителство и семејство

2011-02-14T16:06:00.000+01:00

„Твое бебе“ е веб-сајт наменет за жени кои ја планираат бременоста, оние кои се бремени, или оние веќе кои се дел од светот на мајчинството. При отворањето на сајтот ќе наидете на нивната мисија која гласи: „Да обезбедиме квалитетни и современи информации за здрава бременост, бебе, зачнување, родителство и здраво семејство“.

Веб-сајт со информации за идни и сегашни родители

Мисијата мошне добро ги отсликува содржините кои ви ги нуди овој веб-сајт. Темите кои се обработуваат се поделени на: зачнување, бременост, бебе, мајка, неплодност, абортус, доење, семејство, деца со посебни потреби.

Сајтот има и страници за инспиративни стории кои содржат споделени приказни, страница за познатите личности и нивните искуства во врска со бременоста и родителството, галерија со слики и форум на кој посетителите можат да разменуваат мислења и искуства.

На сајтот можете да најдете и информации за заштита од несакана бременост, како и калкулатори за пресметка на термин на породување, плодни денови, индекс на телесна маса, и идеална телесна тежина на возрасни.

Накратко, „Твое бебе“ има едукативна намена и нуди корисни содржини во врска со споменатите теми, но е наменет и за оние кои едноставно се интересираат за нивното репродуктивно здравје.

„Твое бебе“ нуди можност да се регистрирате и да добивате содржини по електронска пошта.

Дополнување: често
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: tvoebebe.com

Дневна доза од модната сцена

2011-02-07T13:41:00.001+01:00

„Уличниот стил во Скопје” (Skopje Street Style) е блог кој ве дочекува со мотото „Модата што не се раѓа на улиците е осудена да стане демоде”. На овој блог секојдневно се промовираат интересни модни содржини, совети, стилови, изложби, фотографии, ревии, дизајнери, авангардни уметници и несекојдневни ликови.

Блог со интересни модни содржини

Блогерката будно ги следи настаните од модната сцена низ градот, па така, често пати може да ве пренесе на случувањата од модниот живот во Скопје, доколку сте ги пропуштиле. На блогот имате шанса да прочитате интервјуа со македонски модни дизајнери, изработувачи на накит и лица од македонската модна индустрија.

„Уличниот стил во Скопје” ви ги доловува и вестите од светската модна сцена, оние поврзани со некои дизајнерски куќи, ликови и случувања, па така, тука ќе прочитате и за надежните светски имиња, имиња кои допрва доаѓаат.

Содржините се поделени во неколку категории кои ви овозможуваат филтрирање на написите: додатоци, македонски дизајнери, накит, облека, странски дизајнери, филигран, блогери, модна недела, ревија, тренд и општо.

Меѓу другото, во делот „Топ стил“ секој ден можете да најдете предлог дневна комбинација на парчиња облека од светските модни писти која авторката ја избира за вас.
„Уличниот стил во Скопје” може да го следите преку познатите социјални медиуми, но исто така може да се регистрирате и за добивање содржини по електронска пошта.

Дополнување: постојано
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: skopjestreetstyle.wordpress.com

Корисни македонски алатки

2011-02-03T13:16:00.002+01:00

Сервисот „Алати“, како што кажува и самото име, нуди неколку корисни „македонски“ алатки на едно место.

Веб-сајт со корисни „македонски“ алатки

На почетната страница само се претставени алатките кои ги нуди овој сервис: „мк фолк песни“, „мк оро“, „англиско-македонски конвертор“, „HTML тастатура“, „мк фонтови“, „мк топ“, „временска прогноза“ и „телевизиска програма“.

Со избирање на потребната алатка, сервисот ве носи до страницата која ги нуди соодветните услуги. Така, на пример, доколку изберете „англиско-македонски конвертор“, сервисот ве носи до апликација со која може да конвертирате текст од латиница на кирилица и обратно. Со избирање на „македонски ора“ или „македонски песни“, сервисот ве насочува кон веб-сајтови кои содржат колекции на македонски песни и нивни текстови или колекција на македонски ора. Преку алатката „мак топ“ може да ги следите најдобро рангираните македонски блогови, а од „македонски фонтови“ да го преземете очекуваното.

Алатките кои ги нуди Алати, се или дел од самиот сервис или пак претставуваат врски кон надворешни сајтови. Бидејќи тој не нуди конзистентен дизајн, ова може да доведе до дополнителна забуна.

Сите алатки се бесплатни за користење.

Дополнување: нема или нередовно
Брзина: брзо
Функционалност: добра
Дизајн: неконзистентен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 3/10
Политика за приватност: нема
Јазик: англиски, македонски
Адреса: www.alati.org

Добра работа - место за полесно вработување

2011-02-02T12:56:00.000+01:00

„Добра работа” е мошне корисен сајт за посетителите кои се заинтересирани за промена или унапредување во кариерата. Овде можете бесплатно да ги гледате огласите за работа, да се пријавувате на истите, како и да најдете вести и прирачници за вработување кои содржат корисни совети и информации.

Огласи за вработување и корисни информации за вашата кариера

Сајтот претставува своевиден агрегатор на огласи кои секојдневно се ажурираат, така што тука може да ги најдете најновите понуди на пазарот на трудот.

Огласите се поделени во категории што ви овозможува заштеда на време кое вообичаено би го потрошиле за лутање низ големиот број огласи. Па така, огласите се класифицирани во 27 категории со што ви се овозможува полесно пребарување, како на пример: административна работа, продажба и трговија, човечки ресурси, креатива, дизајн и уметност, и многу други. Освен по категории, огласите може да ги пребарувате и по градови.

„Добра работа” овозможува да станете регистриран корисник со што добивате неколку можности плус: да ја создадете и објавите вашата биографија, да добиете бесплатен профил, да ги снимате огласите, да добивате бесплатен информатор, како и да активирате автоматски информатор за слободни работни места.

Освен оние кои бараат вработување, свој профил може да создадат и работодавачите со кој добиваат можност да објават оглас, да пребаруваат во базата на биографии, да добиваат бесплатен информатор, или да испратат повик до одреден кандидат.

„Добра работа” може да ја следите на Твитер или на Фејсбук.

Дополнување: постојано од авторите
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 4/10
Политика за приватност: нема
Јазик: македонски
Адреса: www.dobrarabota.mk

Генерирајте своја политика за приватност

2011-02-01T12:54:00.000+01:00

Доколку поседувате свој веб-сајт, а сакате на вашите посетители да им покажете дека се грижите за нивните лични податоци, тогаш „Free Privacy Policy“ може да ви помогне. Се работи за сервис со кој на едноставен начин можете да генерирате своја политика за приватност.

Сервис за едноставно генерирање на политика за приватност

Сè што треба да направите е да го пополните интерактивниот прашалник, врз основа на кој сервисот ќе ја генерира вашата политика за приватност. Прашалникот содржи основни прашања за тоа кои податоци ги собирате, за што ги користите, кои мерки ги преземате за заштита на истите, дали користите кукија и слично. На сите овие прашања одговарате со едноставно избирање на некој од веќе понудените одговори. Доколку имате дополнителни информации кои сакате да бидат дел од вашата политика за приватност, сервисот нуди можност преку полињата за внесување на текст, истите да ги додадете.

На крајот од прашалникот потребно е да ги внесете вашето име и електронска адреса на која ќе ги добиете потребните податоци за пристап до генерирана политика за приватност. Откако ќе ѝ пристапите, сервисот нуди можност да направите дополнителни измени, да го преземете HTML кодот и да го прикачите на вашиот веб-сајт.

Сервисот дозволува креирање на само една бесплатна политика за приватност. Доколку сакате можете да се претплатите и да добиете можност за креирање на неограничен број политики со дополнителни функционалности.

Дополнување: нема
Брзина: брзо
Функционалност: добра
Дизајн: едноставен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 6/10
Политика за приватност: има
Јазик: англиски
Адреса: www.freeprivacypolicy.com

Слушајте ја музиката која ви се допаѓа, едноставно и бесплатно

2011-01-31T11:58:00.001+01:00

„Дизр” е бесплатен сервис за слушање музика лансиран на 22 август, 2007 година. Сервисот започнал со165.000 песни, а денес брои 4 милиони регистрирани корисници. Во мај 2010 година, сајтот веќе располагаше со 7 милиони песни.

Бесплатен сервис за слушање радио

Сервисот овозможува задоволување на сечии музички желби, пристапност до тематски радија (хип хоп, рок, електро, џез, диско, хитови, итн), како и пристапување преку мобилен телефон, ајфон, блекбери, или ајпод тач.

Тука може да се информирате за артистите, албумите, песните, да споделувате листи со песни, музички вкусови и расположенија преку заедницата и социјалната мрежа на дизр, како и да откривате нови музички таленти.

Сајтот овозможува неограничено, слободно слушање музички записи, но без можност за нивно преземање. Можно е песните да ги слушате засебно, но и преку тематски веб-радија или т.н. „паметни радија“ кои овозможуваат членовите да започнат од песна која им се допаѓа, да ја стопираат, да прескокнат песна и да слушаат некоја од следните програмирани песни.

Радијата и песните може да ги слушате преку вградено плеерче на кое се наоѓаат опциите за пуштање, стопирање, прилагодување на јачината на гласот и слично.

Сервисот нуди можност и да станете член на заедницата на дизр, со што имате неколку дополнителни привилегии, на пр. креирање на свој профил, креирање на листи со песни, неограничено складирање на МП3...

Дизр може да го следите на Твитер, на Фејсбук или да го поврзете со вашиот блог.

Дополнување: повремено од корисниците и од авторите
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 6/10
Политика за приватност: нема
Јазик: англиски, француски, германски, шпански, италијански
Адреса: www.deezer.com

Сите контакти на едно место

2011-01-28T15:40:00.000+01:00

Ако и вашите контакти се наоѓаат на неколку различни места на интернет, тогаш „Гист“ е вистинската алатка со која сите нив ќе ги донесете на едно место, при што ќе добиете целосен преглед на вашата лична социјална мрежа.

Сервис кој ви помага да ги донесете сите контакти на едно место

Притоа, „Гист“ овозможува и автоматско следење на активностите на вашите контакти, така што наместо посебно да ги посетувате социјалните мрежи, тука ќе можете да ги видите најновите ажурирања (постови, твитови или пак статуси) од секој ваш контакт.

За да го користите „Гист“, потребно е да направите своја корисничка сметка. Откако ќе го направите ова, следниот чекор е да ги поврзете вашите сметки за електронски пораки со „Гист“. Притоа сервисот ќе побара дозвола за пристап до истите. Истото ова ќе треба да го направите и со вашите профили на социјалните мрежи, како на пример Twitter и Facebook. Доколку имате контакти и на некое друго место, импортирајте ги и нив.

Откако ќе го креирате вашиот профил, на „таблата“ (dashboard) на „Гист“, ќе ги видите најновите ажурирања од вашите контакти, а во јазичето „People“ ќе може да ги прегледате сите внесени контакти. Сервисот ви овозможува да ги пребарувате контактите по име, по датумот кога се внесени во „Гист“, а нуди и други корисни опции.

„Гист“ може да го инсталирате и на вашиот мобилен телефон или пак како додаток на вашиот веб прелистувач.

Дополнување: од корисниците
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 6/10
Политика за приватност: има
Јазик: англиски
Адреса: http://gist.com

Креирајте анимирано слајд-шоу од вашите фотографии

2011-01-27T15:28:00.000+01:00

„Слајд“ е онлај сервис кој ви овозможува да креирате интересно слајд-шоу од вашите фотографии користејќи веќе уредени дизајни и потоа истото да го споделите преку социјалните мрежи.

Сервис за креирање на слајд-шоу од фотографии

Користењето на Слајд е навистина едноставно. Прво, започнете со качување на фотографии кои сакате да се најдат во вашето слајд-шоу. Истите може да ги преземете од постојните фајлови, од социјалните мрежи или пак само да ги внесете веб-адресите на сликите. Откако ќе го направите тоа, преминете на дизајнирање на слајд-шоуто. Од десната страна на прозорецот се наоѓаат интересни веќе уредени, анимирани дизајни кои може да ги примените на вашето слајд-шоу. Освен овие дизајни, може да изберете и некој од понудените теми, позадини, ефекти и сл. Кога сметате дека го имате посакуваниот дизајн, преминете на вториот чекор - зачувување на слајд-шоуто. При првото креирање, во овој чекор ја креирате и вашата сметка на Слајд. Во третиот чекор креираното можете да го споделите на некоја од социјалните мрежи (Фејсбук, Маспејс, Твитер...).

Следејќи ги истите чекори можете да креирате дизајн и за видео, како и за поединечни слики.

Користењето на сервисот е целосно бесплатно.

Дополнување: од корисниците
Брзина: брзо
Функционалност: одлична
Дизајн: прегледен, интересен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: -7/10
Политика за приватност: има
Јазик: англиски
Адреса: www.slide.com

Порција хумор со „The Oatmeal“

2011-01-26T16:20:00.000+01:00

Доколку сте моментално нерасположени или ви е досадно, „The Oatmeal“ е вистинскиот сајт кој ќе ви го промени расположението. Тука ќе најдете стрипови и квизови кои добро ќе ве насмеат со нивната хумористична содржина и со иронично прикажаните ситуации од вистинскиот живот.

Сајт со хумористична содржина

Интересно е што сајтот е креиран и одржуван од само еден човек - Метју Инман. Тој е мошне успешен при пронаоѓање хумор во секојдневните, не толку хумористични ситуации. Влијанието кое го имале стриповите на него е очигледно, бидејќи и самиот сајт е еден голем стрип кој тој самиот го изработува.

Некои од поинтересните содржини се однесуваат на: „7 работи кои навистина не мора да ги сликате“, „Што кажува вашата имејл адреса за вашите компјутерски вештини“, „Како веб дизајнот оди по ѓаволите“, „Зошто верувам дека печатачите се испратени од пеколот“, „Зошто е подобро да се преправаш дека не знаеш ништо во врска со компјутерите“, „3 фази во поседувањето компјутер“ и многу други илустрации кои добро ќе ве насмеат.

Авторот води и сопствен блог кој не е поразличен од другите содржини на сајтот. Сајтот има и секција за онлајн купување на производи како маички, шолји за кафе, налепници, постери и други предмети со сликички од содржината.

Сајтот е објавен на 6 јули, 2009 година, и оттогаш ужива голема популарност со над 20 милиони посети месечно.

„The Oatmeal“ може да го следите на Твитер, на Фејсбук или да се регистрирате за добивате содржини преку имејл.

Дополнување: повремено
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: има
Гугл-ранг: 6/10
Политика за приватност: нема
Јазик: англиски
Адреса: www.theoatmeal.com

Научи нешто секој ден

2011-01-25T15:49:00.001+01:00

„Learn something every day“ е едноставен, но креативен веб-сајт на кој може да најдете интересни информации, за кои можеби никогаш не би помислиле во секојдневниот живот.

Сајт со интересни факти претставени преку илустрации

Се работи за кратки факти кои преку илустрација, карикатура или интересни сценарија им се пренесуваат на посетителите. Така, на сајтот може да најдете информација дека Дизнииевиот свет е поголем од дури 17 држави, американската химна потекнува од песна која Британците ја пееле додека пиеле или дека првото ЦД било дизајнирано за 74 минути музика, колку што траела Деветата симфонија на Бетовен.

Секој ден излегува нова илустрација со нова информација. Доколку сакате, можете и вие да поднесете некој факт со праќање е-пошта на следната адреса: fact@learnsomethingeveryday.co.uk.
Сајтот е едноставен, шарен и лесен за навигација.

Дополнување: редовно
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 5/10
Политика за приватност: нема
Јазик: англиски
Адреса: www.learnsomethingeveryday.co.uk

Безбедно кликање на веб

2011-01-24T16:07:00.000+01:00

Кликни безбедно е српски веб-сајт кој содржински многу наликува на македонско-албанскиот bezbednonainternet.org.mk (internetisigurt.org.mk). Целта на сајтот е подигање на свеста за безбедно користење на интернет од страна на младите, но покрај за нив, наменет е и за нивните родители.

Веб- сајт со содржини за онлајн безбедност

Од посебна категорија се пристапува до материјалите кои можат слободно да се преземаат во PDF. Тука има брошури за родители и за деца, постери и презентации. Најинтересната содржина, која е достапна на сајтот е онлајн играта наменета за децата. Таа ги поставува децата во виртуелна околина, притоа овозможувајќи им да ги тестираат и надградуваат своите знаења за онлајн безбедноста.

Веб-сајтот е изработен од страна на Министерството за телекомуникации и информатичко општество од Србија, а неговите содржини се достапни за понатамошна употреба под лиценца од Криејтив комонс. Сајтот може да се разгледува на латиница и на кирилица. На хрватскиот избор на минатогодишните VIDI WEB TOP 100 награди го освои второто место во категоријата ExU, веднаш зад македонскиот ИТ портал it.com.mk.

Дополнување: повремено
Брзина: брзо
Функционалност: добра
Дизајн: шарен, детски
Навигација: средна
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 7/10
Политика за приватност: има
Јазик: српски
Адреса: www.kliknibezbedno.rs

Електронско учење за деца

2011-01-20T13:29:00.000+01:00

Доколку сакате вашите деца продуктивно да го користат времето поминато на интернет, тогаш веб-сајтот „E-learning for kids“ е вистинското место за тоа. Сајтот нуди содржини кои ќе им помогнат на децата да совладаат одредени области, како на пример: математика, компјутерски вештини, здравје и сл.

Сајт со електронски курсеви за деца

Најголемиот дел од содржините се претставени во вид на интерактивни и анимирани игри кои се прилагодени за различни возрасти на деца. До самиот курс/игра е поставена возраста за која таа содржина е соодветна. Моментално се нудат курсеви од осум области. Па така, децата преку игра ќе можат да научат да бројат и да користат матемаички операции, да ги научат функциите на мозокот и работата на крвниот систем или пак да совладаат основни граматички правила по англиски јазик.

Помошта од родителите ќе биде потребна за објаснување на целите на курсот/играта, бидејќи содржините не се достапни на македонски јазик. Но, бидејќи игрите се едноставни и прилагодени за возраста, јазикот не секогаш ќе е пресуден.

Содржините на веб-сајтот се бесплатни и не е потребна регистрација за да се користат.

Дополнување: од авторот
Брзина: брзо
Функционалност: одлична
Дизајн: прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 6/10
Политика за приватност: има
Јазик: англиски, холандски, француски,
шпански, португалски
Адреса: www.e-learningforkids.org

Сите .мк домени

2011-01-17T14:34:00.001+01:00

На адресата perfectflow.org/domeni е достапен сервис на македонски јазик каде може да ги најдете сите досега регистрирани македонски домени.

Сајт со сите регистрирани македонски домени

Се работи за многу едноставен сајт на кој може да ги пребарувате македонските домени во три категории: најнови регистрирани .мк домени, популарни .мк домени и пребарување на домени по буква.

Во првата категорија се објавуваат по 20 најнови домени. За истите можете да гласате и да придонесете, еден ден, да се најдат во категоријата популарни. Сè што треба да направите е да се позиционирате на нив, со што ќе ви се појави знак - црвено срце. Со кликнување на истото го давате вашиот глас за доменот. Во категоријата популарни се прикажани домените со најголем број на гласови. Како и за претходните, и за овие може да се гласа. Последната категорија овозможува пребарување по буква. Под самата буква стои и бројот на домени кои започнуваат со неа. Дополнително, може да пребарувате и со внесување на клучен збор.

Така, овој сервис може да ви стане почетна точка за наоѓање и насочување кон одреден .мк домен.

Дополнување: редовно
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: -0/10
Политика за приватност: нема
Јазик: македонски
Адреса: perfectflow.org/domeni

Сајт за идни и сегашни родители

2011-01-15T12:15:00.000+01:00

Доколку спаѓате во категоријата идни или сегашни родители, сигурно имате потреба од многу информации поврзани со овој период од животот. „Рингераја“ е македонски портал кој може да ви помогне да пронајдете многу такви информации.

Сајт со информации и совети за сегашните и идните родители

Се работи за портал организиран во четири главни категории: „Забременување“, „Бременост“, „Бебе“ и „Дете“. Во секоја од овие категории може да најдете статии, видео содржини или пак рубрики поврзани со горенаведените теми. Интересни се и алатките кои можат да се користат: календар на овулација, калкулатор на крвни групи или пак калкулатор на срцеви отчукувања.

Доколку, сепак, не можете да најдете одредени информации во некои од веќе објавените содржини, може да се вклучите на форумите на порталот и да побарате совет од луѓето со слични интереси на вашите. Ако сакате, може да креирате и албум со слики или видео од вашето дете и истите да ги споделите на сајтот.

Сите содржини на порталот се бесплатни. Имате и опција да добивате персонализирани содржини со пополнување на едноставен прашалник.

Дополнување: редовно
Брзина: брзо
Функционалност: одлична
Дизајн: пристоен
Навигација: средна
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: -4/10
Политика за приватност: има
Јазик: македонски
Адреса: www.ringeraja.mk

Огласуваме, огласуваат, бараме оглас...

2011-01-13T12:55:00.001+01:00

„Огласуваме“ е веб-сајт на кој, како што кажува и самото име, може да објавувате и пребарувате огласи од секаков тип, во повеќе категории.

Веб сајт за објавување и пребарување на огласи

Пребарувањето на огласите е навистина организирано. Тие се категоризирани во неколку генерални групи, како: недвижен имот, возила, електронска опрема и други. Главните категории се понатаму поделени во неколку поткатегории, на кои ако кликнете, ви се отвора прозорец во кој може да ја дефинирате целта на огласот (пр. купувам, продавам, менувам) или пак регионот од каде сакате да најдете одреден оглас. Во секој случај, може да ги пребарувате и сите огласи без никаква спецификација.

Доколку пак сакате да објавите ваш оглас, тоа може да го направите многу лесно. Прво изберете категорија во која сакате да се објави огласот, а потоа пополнете го едноставниот формулар. Во овој дел ќе најдете и препораки за поефикасно огласување.

Сајтот е навистина практичен, функционален и со лесна навигација.

Дополнување: од корисниците
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 4/10
Политика за приватност: има
Јазик: македонски
Адреса: oglasuva.me

Сите на кафе пауза за заслужена релаксација

2011-01-10T11:30:00.001+01:00

„Кафе пауза“ е нов, брзорастечки, македонски веб-сајт од забавно-информативен карактер. Тоа што го прави овој сајт различен од останатите македонски портали е сериозниот, аналитичен пристап во написите, авторските текстови базирани на лични истражувања и пријатниот, релаксирачки дизајн.

Веб-портал за релаксација, забава и едукација

Содржините на кафе пауза опфаќаат теми од областа на уметноста, филмот, музиката, технологијата, животот, како и занимливости од секаков тип. Нови написи се објавуваат секојдневно, повеќе пати во текот на денот, а на крајот на неделата се поставува и неделен преглед на најпосетуваните содржини. Две интересни карактеристики на овој сајт се редовните рецепти за интересни кафиња кои многу лесно може да си ги приготвите, како и разните сеопфатни написи во областа на астрологијата.

Сајтот е отворен за читателите преку опцијата за предложување нови содржини, како и за објавување гостински текстови. Кафе пауза може да ја читате и на профилите на Фејсбук и Твитер кои секојдневно се освежуваат.

Дополнување: секојдневно
Брзина: брзо
Функционалност: одлична
Дизајн: модерен, свеж
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 0/10
Јазик: македонски
Политика за приватност: нема
Адреса: www.kafepauza.mk

Листај, учи, информирај се!

2010-12-07T11:18:00.001+01:00

„Лист“ е блог на македонски јазик каде што може да најдете корисни информации од повеќе области од интернет сферата. Овде редовно се објавуваат постови во неколку категории: веб дизајн, графички дизајн, програмирање и сл., а има и дел каде можете да се информирате за одредени настани или да прочитате интервјуа со личности од македонската ИТ сфера.

Блог со совети и информации од интернет сферата

Постовите се напишани на разбирлив и едноставен начин и се многу корисни дури и за луѓе кои не поседуваат напредни технички вештини. Најчесто се во вид на совети, кои можат да ви помогнат во различни ситуации и да ви дадат идеи за подобрување на вашата бизнис марка.

Во делот „Бесплатно“ можете да најдете постови за бесплатни содржини кои може да ги користите, како на пример: шаблони, фонтови или икони, додека категоријата „Инспирација“ ќе им се допадне на дизајнерите и фотографите на кои секогаш им е добредојдена туѓата креативна работа за будење на своите мајсторски сетила.

Блогот е достапен под лиценцата Наведи Извор 2.5 од Криејтив комонс, така што со содржините можете да правите сè, сè додека го наведете изворот.

Дополнување: редовно
Брзина: брзо
Функционалност: одлична
Дизајн: модерен, чист, прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 0/10
Политика за приватност: нема
Јазик: македонски
Адреса: list.mk

Советник за патувања

2010-12-02T13:08:00.001+01:00

Доколку сè уште не сте одлучиле што ќе правите за празниците кои се ближат, „Трипадвајзер“ може многу да ви помогне. Станува збор за бесплатен сервис кој нуди голем број услуги со кои може да ги планирате вашите патувања.

Сајт со совети за патување

Преку овој сајт можете да пребарувате информации за летови до сите дестинации во светот, да ги проверувате цените и да правите резервации. Резервациите на летовите најчесто се вршат преку „Expedia“ , којашто е и сопственик на овој сервис. Исто така, можете да пребарувате хотели и хостели, како и да прочитате критики од претходни патници. Трипадвајзер нуди и совети за тоа што би можеле да правите во градот кој планирате да го посетите (на пр.: кои тури се нудат таму, кои позначајни места вреди да се посетат, во кои ресторани да јадете и сл.) . Сајтот препорачува топ дестинации во светот и топ работи кои може да ги правите додека сте таму.

Доколку сакате, можете да се регистрирате на сервисот и да креирате сопствен профил. Трипадвајзер препорачува да го направите тоа преку вашиот профил на Фејсбук, но не е задолжително. Интересна апликација која може да ја користите со регистрирањето, е мапата на патување на која можете да ги обележите сите градови кои ги имате посетено и потоа истата да ја споделите на Фејсбук.

Дополнување: од корисниците
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 8/10
Политика за приватност: има
Јазик: англиски, француски, италијански, јапонски...
Адреса: www.tripadvisor.com

Време за радио

2010-11-24T11:28:00.002+01:00

„Радиотајм“ е онлајн сервис кој ви нуди можност да пристапите до вашите омилени радио станици во светот, онлајн, преку вашиот компјутер или кој било друг поврзан уред.

Сајт за слушање радио станици од различни жанрови

Она што е интересно е дека сервисот, со кликнување на табот „Локал“, веднаш ги пронаоѓа локалните радио станици. Ви преостанува само да ја изберете станицата и да уживате. Не е потребна регистрација, ниту симнување на дополнителен софтвер. Регистрацијата пак, нуди дополнителни можности како: зачувување на омилените станици или ажурирање на локација.

Доколку сте заинтересирани за одреден жанр на музика, сервисот има оформено повеќе групи на радио станици од што можете веднаш да изберете некоја според вашиот вкус. Освен музика, сервисот нуди и станици на кои може да слушате дискусии на одредени теми како: бизнис, технологија... или пак спортски радија. Нуди и дополнителна можност за пребарување на сите радија според: локација, музика, дискусија или спорт.

Дополнување: ретко
Брзина: брзо
Функционалност: одлична
Дизајн: прегледен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 5/10
Политика за приватност: има
Јазик: англиски, италијански,
француски, шпански...
Адреса: www.radiotime.com

Блог за македонскиот јазик

2010-11-22T19:00:00.002+01:00

„Лектор“ е македонски блог чија цел е да ги доближи правилата на македонскиот стандарден јазик до интернет читателите. На овој блог редовно се објавуваат обемни постови за јазичната писменост и правилната употреба на македонскиот правопис и граматика.

За разлика од текстовите во толковните речници и учебниците, постовите на лектор се пишуваат на многу поразбирливо ниво и се карактеризираат со модерни примери, блиски до нашето секојдневие. Покрај информациите кои се споделуваат преку самите постови, редовно се развиваат дискусии во коментарите под постовите во кои се разменуваат мислења и нови корисни податоци.

Блог за правилна граматичка и правописна употреба на македонскиот јазик

Голем дел од содржините на блогот се во вид на практични совети за правилната употреба на македонскиот јазик во електронската комуникација. Така, ќе најдете техники за пишување на добра семинарска работа и деловна е-пошта, а меѓу другото и написи за правилна употреба на интерпукциските знаци сместени на вашата тастатура.
Дополнување: редовно
Брзина: брзо
Функционалност: одлична
Дизајн: интересен, функционален
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: lektormk.blogspot.com

Македонски веб-сајт за вдомување миленици

2010-11-16T14:56:00.002+01:00

Според безбројни истражувања, луѓето кои чуваат домашни миленици се посреќни, поуспешни и дури живеат подолго. За да станете и вие дел од ова група, треба да се упатите на сајтот на „Вдоми ме“ и да го одберете новиот член во вашето семејство.

Милениците кои се подаруваат, на сајтот се поставени во делот за водмување, со слика и со одредени нивни карактеристики. Откако некои од нив ќе бидат вдомени, тие се преместуваат во делот вдомени. Освен на овој начин, милениците се поделени и на кучиња/мачки, како и на изгубени/најдени. За да вдомите кое било милениче од сајтот, едноставно треба да го контактирате моменталниот сопственик, односно лицето кое ги поставило сликите.

Зад сајтот стои група на млади активисти кои се трудат да ги спасат животните скитници од улиците, како и оние кои се напуштени од своите сопственици. Сервисот може да го искористите и ако веќе чувате домашно милениче за кое не можете понатаму да се грижите. Со помош на сајтот може да се погрижите тоа да заврши во прави раце.

Дополнување: од корисниците
Брзина: брзо
Функционалност: добра
Дизајн: едноставен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 0/10
Јазик: македонски
Политика за приватност: нема
Адреса: vdomi.me

Онлајн катче за љубителите на пишаниот збор

2010-11-15T13:46:00.005+01:00

„Сакам книги“ е македонски веб-сајт кој се стреми да биде секојдневен извор на информации од областа на литературата. На сајтот ќе најдете голем број рецензии на книги кои треба да се најдат во вашата домашна библиотека, авторски дела на некои од корисниците, книги во електронско издание и разни новости за актуелните промоции или попусти.

Сајтот може да го користите и без да се регистрирате, но ако сакате да коментирате, пишувате рецензии или да споделувате ваши дела, препорачливо е да го направите тоа.

Дополнителна мотивација за да одвоите малку слободно време за придонес на сајтот е тоа што поредовните членови се често наградувани со книги од повеќето македонски издавачки куќи. Написите се поделени во повеќе жанрови, па така, може директно да преминете кон вашиот омилен и да одберете што ќе читате следно.

Уште една интересна функција на сајтот е можноста за онлајн купопродажба на книги. Ако сакате да продавате, огласете ја книгата со сопствена цена. Во другиот случај, одберете го огласот чија книга би сакале да ја купите.

Сакам книги може да го следите и преку страницата на Фејсбук и да ги читате сите новости или да дискутирате со големиот број фанови на сајтот.

Дополнување: секојдневно
Брзина: брзо
Функционалност: одлична
Дизајн: модерен, функционален
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: www.sakamknigi.mk

Креирајте фавикон за вашиот веб-сајт

2010-11-09T14:26:00.003+01:00

Фавиконите се мали сликички кои се појавуваат во левиот агол на лентата во која ја внесувате адресата на веб-сајтот. Основната намена на овие сликички е полесното распознавање на веб-сајтот. „Фавиген“ е едноставен, онлајн сервис со чија помош многу лесно и брзо ќе создадете фавикон за вашиот веб-сајт.

За да го користите фавиген не е потребно да се регистрирате. Вашата задача е да прикачите готова фотографија на сајтот и сервисот сам ќе креира фавикон за вас. Покрај готов фавикон, ќе добиете и код за истиот, како и кратко објаснување за тоа како да го поставите на вашиот веб-сајт.

Дополнување: од корисниците
Брзина: брзо
Функционалност: одлична
Дизајн: модерен, едноставен
Навигација: минимална
Пребарувач: нема
Клучни зборови: има
Јавен бројач: нема
РСС/Атом: има
Гугл-ранг: 0/10
Политика за приватност: нема
Јазик: англиски
Адреса: favigen.com

Онлајн пакет за канцелариско работење

2010-11-04T12:39:00.004+01:00

„Лајв Документс“ е практичен веб сервис за канцелариско работење, кој ги спојува функционалностите од пакетот на „Мајкрософт Офис“ и „Гугл документите“.

Сервисот е бесплатен и по кратката регистрација може да започнете со негово користење. На располагање ќе ви бидат дадени 100 мегабајти, кои може да ги користите за креирање на документи, табеларни пресметки и презентации. Интерфејсот се разликува во зависност од типот на фајловите кои сакате да ги креирате, а сервисот поседува огромен број корисни опции.

Доколку сакате може да импортирате готов документ од вашиот компјутер или некој Гугл документ. Завршените документи може да ги споделите со други корисници на сервисот или со сите веб посетители со споделување на неговото единствено урл.

Дополнување: од корисниците
Брзина: брзо
Функционалност: одлична
Дизајн: модерен, функционален
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 5/10
Јазик: англиски
Политика за приватност: нема
Адреса: www.live-documents.com

Онлајн видео уредувач и конвертор

2010-11-03T13:08:00.003+01:00

„Селси“ е едноставен веб сервис на кој бесплатно може да качувате, уредувате, конвертирате и споделувате различни видеа.

Започнете со кратка регистрација, а потоа качете го посакуваното видео на сервисот, или снимете го ако имате камера. Селси поддржува голем број видео формати, Откако ќе го поставите видеото на сервисот, може да го дотерувате видеото по желба, да ги исечете непотребните делови, да го споите со некое друго видео или да додадете аудио запис кон видеото. На крај зачувајте го во една од можните формати, во зависност од тоа дали сакате да го гледате од вашиот компјутер или од вашиот мобилен телефон.

Селси е интегриран и со голем дел онлајн видео сервиси, како Јутјуб и Метакафе, што значи дека видеата може да ги импортирате во вид на линк или по уредувањето, директно да ги споделите на еден од поддржаните сервиси.

Дополнување: од корисниците
Брзина: брзо
Функционалност: одлична
Дизајн: прегледен, едноставен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 5/10
Јазик: англиски
Политика за приватност: има
Адреса: www.cellsea.com/media/vindex.htm

Споделувајте аудио записи онлајн

2010-11-02T13:40:00.004+01:00

Ако сте љубител на поткасти или едноставно сакате да снимате аудио записи од вас или вашата непосредна околина, тогаш „Аудиобу“ е следната веб-локација кон која треба да се упатите.

Аудиобу функционира како социјална мрежа и се користи многу едноставно. Креирајте јузер и започнете со споделување на снимените аудио записи. Изборот дали ќе споделите веќе снимени записи или истите ќе ги снимите во моментот на објавувањето останува на вас. На аудио фајловите може да додавате слика, клучни зборови за полесно пребарување и локација на која е снимен записот. Потоа истите може да ги споделите на аудиобу или да го интегрирате со некои други социјални мрежи како Фејсбук или Твитер.

Сервисот многу лесно се користи и од мобилен телефон. Сега за сега аудиобу е достапен само за Ајфон. Постои и апликација за Андроид, која е моментално недостапна бидејќи се работи на нејзината функционалност.

Дополнување: од корисниците
Брзина: брзо
Функционалност: одлична
Дизајн: модерен, прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: има
Гугл-ранг: 6/10
Јазик: англиски
Политика за приватност: има
Адреса: www.audioboo.fm

Креирајте политика на приватност за вашиот веб-сајт

2010-10-29T11:52:00.006+02:00

Во политиката за приватност на еден веб-сајт се содржат начините на кои се употребуваат, заштитуваат и зачувуваат информациите за посетителите на истиот. Денес, таа е важен дел од голем број популарни сајтови. Со помош на GeneratePrivacyPolicy можете многу лесно и брзо да ја креирате вашата политика за приватност онлајн.

Сервисот функционира во вид на анкета. Откако ќе го посетите, ќе добиете прашалник во кој треба да внесете повеќе информации за вашиот веб-сајт и за начините на кои ги користите податоците поврзани со вашите посетители. Откако ќе ги одговорите сите прашања, сервисот ќе ви генерира прикладна политика за приватност.

Ако сакате сајтот да го користите бесплатно, имате право на само една политика за приватност, затоа внимателно размислете пред да ги одговорите сите прашања.

Дополнување: нема
Брзина: брзо
Функционалност: одлична
Дизајн: фунцкионален, модерен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: нема
Јазик: англиски
Политика за приватност: има
Адреса: www.generateprivacypolicy.com

Онлајн пребарувач за вашите лични веб-сервиси

2010-10-28T12:17:00.005+02:00

„Греплин“ е бесплатен, персонален веб-пребарувач со чија помош лесно ќе ги пребарувате вашите кориснички сметки на Џи-мејл и каледнарите на Гугл, како и оние на Фесјбук, Твитер, Дропбокс, Линкдин и други.

Вашата задача е да го го посетите веб-сајтот на греплин и да се регистрирате. Потоа, самите додадете си ги веб-сервисите кои сакате да ги пребарувате. Логирајте се за секој сервис поединечно и на тој начин истиот ќе биде додаден во вашата греплин сметка. По краткото индексирање, интерфејсот на греплин ќе се промени во едноставен пребарувач, кој наликува на Гугл. Пребарувањето дава резултати во реално време.

Во најголем дел, греплин е бесплатен сервис, освен за неколку опции меѓу кои е пребарувањето низ закачени документи.

Дополнување: нерелевантно
Брзина: брзо
Функционалност: одлична
Дизајн: модерен, прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: нема
Гугл-ранг: нема
Јазик: англиски
Политика за приватност: нема
Адреса: greplin.com

Ефикасно пребарувајте низ вашата е-пошта на Џи-мејл

2010-10-13T15:42:00.003+02:00

Доколку често ја пребарувате вашата електронска пошта на џи-мејл, за стари пораки кои сѐ уште ви се потребни, тогаш сигурно ќе ви користи „Клауд меџик“. Со помош на оваа алатка, лесно и брзо ќе ги пронајдете сите потребни информации од старите или новите пораки во вашето сандаче.

Сервисот функционира како екстензија во вашиот прелистувач, а моментално е достапен за Фајрфокс и Хром. Вашата задача е да го посетите сајтот на клауд меџик и да ја инсталирате екстензијата во прелистувачот. Логирајте се со вашата корисничка сметка и потоа сервисот автоматски ќе додаде пребарувачко поле во вашиот џи-мејл. Пребарувањето не само што ќе биде побрзо, туку и ќе ви дава резултати дури и ако пребарувате само со првите букви од некој збор.

Алатката може да ја користите за повеќе кориснички сметки на џи-мејл, како и за дополнителни Гугл апликации.

Дополнување: нема
Брзина: брзо
Функционалност: одлична
Дизајн: функционален
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 0/10
Јазик: англиски
Политика за приватност: има
Адреса: www.cloudmagic.com

Креирајте онлајн видео ремикси

2010-10-05T15:54:00.003+02:00

„Драгонтејп“ е многу интересна веб-алатка со која може да направите персонализирани видео ремикси од видеа кои се прикачени на Јутјуб.

За да ја користите оваа алатка не ви е потребна регистрација. Ваша задача е да почнете со пребарување на клучните зборови кои се релевантни за вашиот ремикс. Потоа, од пронајдените резултати одбрете ги јутјуб видеата кои најмногу ви се допаѓаат и повлечете ги на временската лента. Таа всушост ја претставува должината на ремиксот кој го креирате и на неа може да го менувате редоследот по кој ќе се појавуваат видеата. Видеата може да ги додавате и со вметнување на директен линк до јутјуб, доколку веќе сте ги одбрале и не ви е потребно претходно пребарување.

Откако ќе ги споите сите видеа, зачувајте го проектот. Ќе добиете линк до ремиксот, кој во иднина може да го користите секогаш кога ќе посакате да му пристапите.

Дополнување: од корисниците
Брзина: брзо
Функционалност: одлична
Дизајн: прегледен, модерен
Навигација: нормална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: англиски
Адреса: www.dragontape.com

Онлајн катче за кулинарските вљубеници

2010-10-04T13:32:00.004+02:00

„Епикјуриас“ е многу популарен веб-сајт со најразлични рецепти за секаков вид јадења, од целиот свет. Ако сакате да ги изненадите вашите најблиски со нов интересен рецепт, епикјуриас е следниот веб-сајт на кој треба да се упатите.

Прегледувањето на рецептите може да го правите и без да имате корисничка сметка, но доколку сакате да споделите, коментирате или рангирате некој рецепт, ќе треба да се регистрирате. Рецептите се категоризирани според земјата од која потекнуваат, според типот на јадењето или според главната состојка која тоа ја содржи. Покрај рецепти, на сајтот ќе најдете и многу интересни кулинраски написи, како и голем број совети и трикови.

Особено интересна опција е тоа што кога гледате одреден рецепт на сајтот, епикјуриас ќе ви понуди мени со други рецепти, кои одговараат со него. На овој начин, наместо вие да размислувате кои јадења да ги подготвите за вечерата за вашите пријатели, епикјуриас сам ќе ви генерира складно мени.

Сервисот е достапен и со бесплатна апликација за вашиот Ајфон.

Дополнување: редовно
Брзина: брзо
Функционалност: добра
Дизајн: интересен, функционален
Навигација: нормална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 8/10
Политика за приватност: има
Јазик: англиски
Адреса: www.epicurious.com

Најдете ја бизнис вредноста на технологијата

2010-09-17T12:59:00.005+02:00

Технологијата оди напред, а неа секојдневно ја следат илијадници различни новости. Дали сакате вие први да доаѓате до овие информации?

За да го дознаете најновото од светот на технологијата, посетете го веб-сајтот „Информејшн вик“. Најновите вести од светот на технологијата, од областа софтвер, хардвер, интернет, безбедност, мобилни телефони и уште многу други слични содржини, ќе ги најдете на овој сајт.

Исто така, можете да разгледувате низ блоговите на корисниците поврзани со темите на сајтот. Доколку ве интересира, можете да погледнете и видео презентации за најновиот софтвер, хардвер или мобилен телефон, да читате рецензии, колумни и сл.

Погледнете ја и галеријата со слики, каде исто така има интересни содржини. Во тренд со повеќето сајтови, и овој има свој огласник каде може да се следи кој нуди или кој бара работа.

Дополнување: редовно
Брзина: средно
Функционалност: добра
Дизајн: прегледен
Навигација: минимална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 5/10
Политика за приватност: има
Јазик: англиски
Адреса: www.informationweek.com

Интернет радио базирано на содржини од музички блогови

2010-09-16T14:21:00.003+02:00

„Шафлер“ е веб-радио кое црпи музички содржини од различни блогови и потоа ги складира во својата база. Со помош на ова радио, не само што може да го слушате омилениот музички стил онлајн, туку може и да се информирате што пишуваат блогерите за него.

Откако ќе го посетите сајтот, одберете го стилот кој во моментот сакате да го слушате. Шафлер ќе ве пренасочи до музички блог по случаен избор, а на секоја нова песна ќе ве носи до нов блог. Ако пак песната не ви се допаѓа, рачно може да одберете нова. Името и изведувачот на песната ќе ви се појават во посебен алатник во прелистувачот и веднаш може да ги споделите на „Фејсбук“ или „Твитер“.

Доколку одржувате музички блог, можете да го споделите на шафлер и на тој начин да си ја зголемите популарноста на блогот. Пријавувањето на блогот се врши на самиот сајт, по што ќе треба да потврдите дека тој е навистина ваш, преку формата која ќе ја добиете по електронска пошта.

Дополнување: од корисниците
Брзина: брзо
Функционалност: одлична
Дизајн: модерен, интересен
Навигација: нормална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: нема
Јазик: англиски
Политика за приватност: има
Адреса: shuffler.fm

Виртуелна табла за споделување презентации и идеи

2010-09-14T13:25:00.005+02:00

„Снефл“ е веб-базирана табла на која може да цртате со слободна рака, да креирате презентации или да пишувате математички равенки или колаборативни задачи со вашите колеги или професори. Готовиот проект изработен со помош на оваа табла може да го споделите во вид на презентација.

Откако ќе го посетите сајтот, креирајте си нова табла и почнете со пишување. По потреба, поставете слика од вашиот компјутер на таблата или ако се работи за колаборативен проект, поканете ги вашите колеги да придонесат. Во текот на работата, може да си го прегледате проектот со опцијата Реплаѕ, која е особено корисна доколку решавате математички задачи. На овој начин целата постапка на решавање ќе биде прикажана чекор по чекор. Откако ќе завршите со проектот, ископирајте го кодот на таблата и поставете го на вашиот веб-сајт или блог.

Сите табли се бесплатни и се задржуваат на сајтот во времетраење од 24 часа. Доколку сакате вашата табла да биде подолго достапна онлајн, тоа може да го овозможите со купување на таканаречени „Снефл кредити“. 100 кредити ќе ве чинат $15.

Дополнување: од корисниците
Брзина: брзо
Функционалност: одлична
Дизајн: едноставен, прегледен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 4/10
Јазик: англиски
Политика за приватност: нема
Адреса: www.sneffel.com

Креирајте веб-страници посветени на луѓето што ви значат

2010-09-13T13:04:00.005+02:00

Сите сакаме да ги израдуваме нашите најблиски кога има некаков повод за тоа, без оглед дали станува збор за роденден, дипломска забава, свадба или слична прослава. За таа цел, сигурно ќе ви се најде „Јор-трибјут“, веб-сајт со чија помош ќе изработите страници посветени на вашите најблиски.

Почнете со кратка регистрација на сајтот. Потоа одберете една од готовите теми, додадете фотографии и кратки приказни и поканете ги вашите пријатели да придонесат во изработката на страницата. Ова се основните опции за уредување на страницата, но сервисот не застанува тука. Додадете видеа, креирајте настани, праќајте виртуелни подароци, коментирајте ги приказните од вашите пријатели или споделете ја готовата веб-страница на „Фејсбук“ или „Твитер“.

Дополнување: од корисниците

Брзина: брзо

Функционалност: одлична

Дизајн: модерен, интересен

Навигација: нормална

Пребарувач: нема

Клучни зборови: има

Јавен бројач: нема

РСС/Атом: нема

Гугл-ранг: 3/10

Јазик: англиски

Политика за приватност: има

Адреса: www.yourtribute.com

Праќајте фајлови до Дропбокс виа електронска пошта

2010-09-03T16:32:00.002+02:00

„Дропбокс“ е многу корисна алатка за прегледување на вашите документи од повеќе компјутери, како и нивно онлајн чување. Но, ако некогаш не сте пред вашиот компјутер, а сепак сакате одреден документ да се најде во вашиот дропбокс фолдер, ќе ви се најде „Сенд ту дропбокс“. Тоа е онлајн апликација која ви овозможува да испраќате документи директно до вашиот дропбокс фолдер, по пат на електронска пошта.

Доколку го користите Dropbox за чување фајлови онлајн,
користете го и Send to Dropbox за да ги качувате и преку имејл

Вашата прва задача е да му овозможите пристап на сајтот до вашата индивидуална дропбокс сметка, по што ќе добиете единствена имејл адреса, лична за вас. Потоа, сите електронски пораки кои ќе ги испратите на таа адреса, ќе бидат директно пренасочени кон вашиот дропбокс.
Веројатно основниот начин за праќање фајлови до дропбокс со влечење и спуштање е поедноставен, но кога не сте пред вашиот компјутер оваа варијанта е навистина корисна.

Дополнување: нема
Брзина: брзо
Функционалност: добра
Дизајн: едноставен
Навигација: минимална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 0/10
Јазик: англиски
Политика за приватност: нема
Адреса: sendtodropbox.com

Македонската Твитер заедница - тематски сортирана на едно место

2010-08-27T11:54:00.002+02:00

„Твитер“ е сервис кој се користи ширум светот од многу луѓе со различни профили и лични интереси. Заради брзината и честотата со која се споделуваат твитовите (пораките кои се праќаат преку сервисот Твитер), следењето на она што навистина одговара на личните кориснички интереси станува особено тешко. Едно решение за класификација на пораките според регионот и според типот на содржини што се споделуваат, овозможува македонскиот сервис „140“. Тоа е сервис за категоризирање на македонските кориници на твитер и нивните постови според предметот на нивните интереси.

На почетната страница можете да ги прегледувате содржините и корисниците кои ги споделувале, групирани во неколку популрани категории. Приказот според категории пак, овозможува детален преглед на последните пораки од регистрираните корисници на сервисот за дадена тема. Паралелно можете да ги видите и последните членови кои се приклучиле кон дадена категорија, како и да видите по колку членови брои секоја од нив.

Категоризирање на македонските кориници на твитер и
нивните постови според предметот на нивните интереси

Актуелните теми за кои дискутира македонската твитер заедница се излистани од десната страна и претставени со хаш тагови, како новите корисници би можеле да се вклучат во некоја од дискусиите. Опционално можете да ги видите и сите тагови кои биле употребени во испратените пораки преку сервисот 140 и воедно преку твитер.

Сајтот има и своја посебна блог-страница на која креаторите даваат упатства за новите корисници на твитер и известувања за новитети кои му се случуваат на сајтот.

140 е производ на волонтерска работа. За да биде релевантно и сеопфатно место за добивање брзи информации, треба да се освежува од што поголем број на корисници. Во моментов заедницата пријавена на 140 брои околу 450 членови. Придонесете за зголемување на оваа бројка – регистрирајте се на 140.mk уште денес. Како резултат на тоа, не само што ги имате сите предности од организираниот начин на информирање, туку добивате и нов канал за промоција на вашите твитови пред најверната македонска твитер публика.

Дополнување: од корисниците
Брзина: брзо
Функционалност: добра
Дизајн: класичен
Навигација: минимална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: 140.mk

Вашите омилени блогови на едно место

2010-08-26T13:02:00.000+02:00

„Блоглавин“ е едноставно идеалната веб-локација за сите оние кои паралелно сакаат да следат повеќе блогови. Сајтот овозможува следење на омилените блогови на корисниците на едно место, на едноставен начин.

При вашата прва посета на овој веб-сајт, ќе ви биде понудено креирање на кориснички профил преку кој подоцна ќе можете да ги прелистувате блоговите кои ги следите. На почетната страница на блоглавин се прикажани најпосетените и највисоко рангираните постови од изминатата недела. Покрај опцијата да пребарувате блогови според нивното име, блоглавин ги групира блоговите и според тема и посетеност. Откако ќе го изберете блогот кој сакате да го следите, се отвора неговиот профил на кој пишува колку луѓе го следат, која тема тој ја обработува, колку постови објавува неделно во просек, кус опис на блогот и слични блогови на тој.

Профил според вашите лични интереси за информирање од популарни блогови

Откако ќе ги изберете сите блогови кои ќе ги следите, нивните нови постови ќе се појавуваат на вашиот профил веднаш откако ќе бидат објавени. На блоглавин има и опција постовите кои ви се допаднале да ги обележите за подоцна да можете да ги разгледувате. Секоја новост која веќе сте ја отвориле автоматски се означува како прочитана.

Дополнување: постојано
Брзина: брзо
Функционалност: одлична
Дизајн: едноставен
Навигација: минимална
Пребарувач: има
Клучни зборови: има
Јавен бројач: нема
РСС/Атом: нема
Гугл-ранг: 6/10
Јазик: англиски
Политика за приватност: нема
Адреса: bloglovin.com

Следете ги најновите светски вести, коментари и осврти со Гардијан

2010-08-25T16:36:00.000+02:00

„Гардијан“ претставува онлајн издание на истоимениот весник кој постои уште од 1821 година. Најновите вести од светот, спортот, патувањето, бизнисот, културата, модата, книгите и уште многу други области можете да ги најдете тука. Овој сајт го привлече нашето внимание, заради можноста за инстантно дознавање на најновите вести, како и за читање на најновите содржини од блоговите со само еден клик.

Гардијан е типичен портал за вести, богат со многу области на покривање, но и со дополнителни сервиси за неговите посетители. Така на пример, на него е поставен огласник за вработување, за да им се овозможи на посетителите полесно да најдат или да понудат работа. Тука се и временската прогноза, сервисот за пронаоѓање сродни души, крстозборки, квизоиви, игри и уште многу други.

Читајте светски вести на светски начин

Разгледувањето на содржините на Гардијан е задоволство за посетителите и заради богатството од мултимедијални содржини во секоја форма: аудио, текст и слики. Притоа, читањето вести и разгледувањето на останатите содржини е секако бесплатно.

Сајтот си има сопствена верзија прилагодена за читање преку мобилен телефон.

Дополнување: редовно
Брзина: средно
Функционалност: добра
Дизајн: прегледен
Навигација: минимална
Пребарувач: има
Клучни зборови: има
Јавен бројач: нема
РСС/Атом: има
Гугл-ранг: 9/10
Политика за приватност: има
Јазик: англиски
Адреса: www.guardian.co.uk

Бесплатен месечен онлајн магазин

2010-08-24T13:23:00.000+02:00

Технологијата оди напред, а со нејзиниот напредок се менуваат и навиките на луѓето. Делумно, ова е резултат од потребата за следење на трендовите, но веројатно многу повеќе, тоа се должи на зголемените можности кои ги добиваме благодарение на новите технологии. Ако сте од оние луѓе кои прифаќаат технолошки предизвици по секоја цена, ве предизвикуваме да го читате месечниот магазин „Аплоуд“, онлајн.

Онлајн списание за технологија на македонски јазик

Магазинот аплоуд е и тематски посветен на технологијата, претставувајќи ги во месечни изданија најновите и најинтересните трендови во оваа област, со особен акцент на гаџетите. Магазинот изгледа буквално како печатено списание, само што начинот на кој би се користело тоа е малку поинаков и побогат со можности. Бидејќи се работи за веб-изданија кои се креираат со помош на популарниот сервис за оваа цел – „Ишју“, линковите на страниците се активни, можете да гледате видеа директно во магазинот, како и да лизгате низ делови од страниците со глувчето, за да откриете содржини кои земаат повеќе од предвидениот, ограничен простор.

Ви препорачуваме да го разлистате актуелното издание, секако доколку не ви пречи да читате од вашиот компјутерски екран. Пристапот до списанието е бесплатен, а на располагање добивате секогаш достапна содржина на македонски јазик.

Дополнување: месечно
Брзина: средно
Функционалност: добра
Дизајн: прегледен
Навигација: минимална
Пребарувач: нема
Клучни зборови: нема
Јавен бројач: нема
РСС/Атом: нема
Гугл-ранг: 0/10
Политика за приватност: нема
Јазик: македонски
Адреса: upload.mk

Работи што никој не ми ги кажал

2010-08-20T16:07:00.005+02:00

„Работи што никој не ми ги кажал“ е веб-стрип на Алекс Нориега од Барцелона. Всушност се работи за блог кој наместо текстуални постови нуди кратки стрипчиња или карикатури со негови размислувања и анегдоти.

Иако ритамот на појавување на нови постови не е секојдневен, сепак се одржува прилично постојан континуитет од неколку неделно (со исклучок на годишни одмори) што овозможува јакнење на емоционалната врска со читателите (брендирање).

Стилот на цртање е понекогаш експериментален, но секогаш на прилично високо ниво, а нарацијата има елементи и магичен реализам карактеристичен за пошироката култура од која потекнува авторот.

Со оглед на тоа што стрипот ја користи лиценцата на Криејтив комонс наведи-извор-некомерцијално-без-адаптирани-дела сликичките како такви може да се споделуваат и објавуваат на ваши сајтови, но без интервенции во нив, на пр. замена на текстот со превод на друг јазик.

Дополнување: повремено
Брзина: брзо
Функционалност: добра
Дизајн: основен
Навигација: минимална
Пребарувач: има
Клучни зборови: нема
Јавен бројач: нема
РСС/Атом: има
Гугл-ранг: 0/10
Политика за приватност: нема
Јазик: англиски
Адреса: stuffnoonetoldme.blogspot.com

Стрипот за Мула Пиаз, наследникот на Настрадин Оџа

2010-08-18T10:38:00.000+02:00

Мула Пиаз го опишуваат како комбинација на традиционалниот источен мудрец и шегобиец Настрадин Оџа и американскиот стрип Дилберт. Од едниот ги има наследено логиката и хуморот, а од другиот интересот за новите технологии. Добронамерниот хумор го прави интересен за читатели од целиот свет.

Зборот „мула“ кој кај нас може да се преведе како „оџа“ во случајот, како и со Настрадин кој потекнува од Турција, има пошироко значење на народен мудрец, наспроти ригидната интерпретација на свештеник.

Стрип: логика + хумор + нови технологии

Со оглед на тоа што излегува двојазично, веб-сајтот на стрипот има иновативен интерфејс кој овозможува промена на јазикот од персиски на англиски со еден клик по стрип. Со оглед на тоа што насоката на читање на овие два јазици е сосем различна, тоа бара и замена на целиот стрип, кој е преработен соодветно слика по слика.

Лоциран во современ Иран, тој се соочува со ситуации за кои понекогаш има одглас во странските медиуми - како цензура и следење на комуникациите од „морални“ причини, крадење споменици пред нос на полицијата, но и други секојдневни проблеми како поскапување на лебот. За разбирање на некои од авантурите не е лошо да се биде во тек со алтернативни извори на информации од светот, како Глобал војсис на македонски.

Пример на искористување на можностите на медиумот е можноста читателите да предложат сценарио за приказна.

Дополнување: неделно
Брзина: брзо
Функционалност: добра
Дизајн: прегледен
Навигација: нормална
Пребарувач: има
Клучни зборови: нема
Јавен бројач: нема
РСС/Атом: имаа
Гугл-ранг: 3/10
Политика за приватност: нема
Јазик: персиски (фарси) и англиски
Адреса: www.mullahpiaz.net

Научете сами да блогирате и да користите социјални медиуми

2010-07-24T14:24:00.000+02:00

Да се биде во чекор со технолошките предизвици не е лесно. Да се учат нови работи, да се искусуваат сосема непознати светови и да се сфати големата важност од сето тоа е тешко за многу луѓе со различно или без искуство во областа и на различна возраст. Но, пак, сето тоа не значи дека треба пред време да се откажуваме. Ако не сте научиле досега, отсега можете тоа да го направите сами – научете се да блогирате и да ги користите новите медиуми преку крајно едноставните упатства на e-learning.mk.

Алатка за само-едукација на современи теми
поврзани со користење на интернет

Сајтот им е наменет на сите луѓе кои сакаат да научат нешто ново на овие теми, како и на оние кои веќе ги користат ваквите алатки, а сакаат да се потсетат за некои од понапредните можности кои тие ги нудат. Се што е поставено на веб-сајтот може да се пренесува и преработува и на други онлајн медиуми или дигитални изданија, се додека се почитува условот кој го предвидува Криејтив комонс лиценцата „Наведи извор-Сподели под исти услови 2.5 Македонија“ (секој може да прави копии или адаптации на содржините, се додека го наведува нивниот извор и нивниот развивач и потоа го споделува своето дигитално дело на сличен начин.

Веб-сајтот е развиен од страна на Фондација Метаморфозис во рамките на проектот „Поттикнување на локални е-содржини“ и засега опфаќа само неколку теми за кои се обезбедени детални инструкции во вид на текст и слики. Во понатамошниот период, овде ќе се објавуваат и други материјали од сличен тип, така разработени за да од нив може да учи секој и наученото да го примени во пракса.

Дополнување: повремено
Брзина: брзо
Функционалност: одлична
Дизајн: едноставен, модерен
Навигација: минимална
Пребарувач: има
Клучни зборови: има
Јавен бројач: има
РСС/Атом: има
Гугл-ранг: нема (нов)
Политика за приватност: има
Јазик: македонски
Адреса: e-learning.mk

Поедноставете си ја работата онлајн

2010-07-22T14:17:00.003+02:00

Постојат повеќе начини на организирање на вашите работни обврски и проекти, а со „Скајлајт“ тој процес е навистина поедноставен. Сервисот претставува онлајн организер со чија помош ќе ги подредите вашите проекти и ресурси, каде може да ги поставите вашите контакти и важни документи и потоа да им пристапувате од веб во кое било време.

Организирајте си ги вашите проекти, задачи, контакти и документи

Користењето на сервисот започнува со кратка регистрација. Откако ќе го креирате профилот, сами ги штиклирате типовите на работни задачи кои сакате да ги работите. Задачите може да ги редите и организирате по принципот на повлечи и додај. Сите проекти, активности и документи се наредени според последната активност во временска рамка, односно, оние кои последни сте ги работеле ќе се појават како први. На крај, за завршените активности може да си спремите извештај, директно на сајтот.

Без оглед дали сакате да користите детален план на задачи, или само да ги организирате моменталните работни активности, скајлајт е идеална веб-локација за поедноставно работење.

Дополнување: од корисниците
Брзина: брзо
Функционалност: одлична
Дизајн: модерен, интересен
Навигација: нормална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 0/10
Јазик: англиски
Политика за приватност: има
Адреса: skylightit.com

Праќајте видео пораки преку електронска пошта

2010-07-20T14:12:00.001+02:00

Сигурно ви се случило да треба да испратите имејл, а да сте мрзеливи за да пишувате. За оваа ситуација особено корисен е сервисот „мејлву“, со кој може да праќате видео записи во форма на имејл пораки.

Сервис за праќање имејл пораки во видео формат

За да почнете со праќање на видео записи, потребни ви се само прелистувач, камера и микрофон, а регистрацијата на сервисот не е задолжителна. Времетраењето на едно видео може да изнесува до една минута, а истото може да го пратите само до една имејл адреса. Откако ќе му пристапите на сервисот, почекајте тој да ги пронајде вашите камера и микрофон и потоа дадете му пристап до нив. Снимете ја вашата порака, потоа пополнете ја формата и испратете ја пораката. Интересна опција е можноста за поставување рок на пораките. Ова значи дека може да поставите датум до кој смее да остане видеото на сервисот. По истекот на тој датум, видеото ќе се самоуништи.

Форматот на видеата е поддржан од повеќето паметни телефони, па така можете да уживате пристап до нив и од вашиот телефон.

Дополнување: нерелевантно
Брзина: брзо
Функционалност: одлична
Дизајн: едноставен, интересен
Навигација: минимална
Пребарувач: нема
Клучни зборови: има
Јавен бројач: нема
РСС/Атом: нема
Гугл-ранг: 0/10
Јазик: англиски
Политика за приватност: има
Адреса: mailvu.com