Веб-сајтот на Драмски Театар со нов дизајн

Сите знаеме за Драмски театар, ама ретко кој е добро информиран за сите негови случувања и претстави. Сепак, со оглед на тоа што тој има сопствен веб-сајт на којшто можат да се најдат сите информации, тоа не би требало да биде случај. За сите оние кои не знаат, а се заинтересирани за актуелните театарски претстави, веб-сајтот на Драмскиот театар е локацијата која може да одговори на потребите и интересите.

Со нов, пријатен дизајн и доволно податоци за интересентите, сајтот нуди поволност за сите љубители на драмската уметност. Содржи опширни информации за претставите, податоци за вработените артисти, потоа општи податоци за театарот, како и галерија со фотографии од познатите претстави.

Меѓу другото, на сајтот можете да се регистрирате како корисник и да добиете влезници за актуелните претстави. Дали и колку тоа функционира не е тестирано, но секако претставува позитивна карактеристика на сајтот и истовремено е чекор напред кон модерното користење на интернетот низ целиот свет.

Дополнување: повремено
Брзина: брзо
Функционалност: солидна
Дизајн: солиден
Навигација: средна
Пребарувач: има
Клучни зборови: нема
Јавен Бројач: нема
РСС/ АТОМ: нема
Гугл-ранг: 4/10
Јазик: македонски, англиски
Политика за приватност: нема
Адреса: dramskiteatar.com.mk

Напишано од Миша Вучиќевиќ

Македонски народен театар со свој веб-сајт

За сите љубители на театарот и драмската уметност, еве уште една погодност на распространетата интернет сфера - Македонскиот народен театар се претставува со сопствен веб-сајт, прикажувајќи информации за својот редовен репертоар.

Сајтот е организиран на едноставен и функционален начин со интересен дизајн и е пријатен за посетителите. Веб-сајтот на МНТ ви нуди можност да се информирате за термините на закажаните театарски претстави, како и општи информации за истите, како на пример, кратко резиме за секоја од нив, за режисерот, актерите што глумат, сценариото и друго. Меѓу другото на овој веб -сајт можете да погледнете фотографии од актуелните театарски претстави, како и податоци за актерите кои што работат во театарот.

Сепак мора да се забележи дека сајтот има потреба од повеќе содржини, посебно од забавен карактер, бидејќи театарот сам по себе претставува инстутиција која што се стреми да ги забавува гледачите, па според тоа и веб-сајтот би било нормално да биде место каде што ќе може посетителот да наиде на интересни и забавни содржини. За почеток би било доволно да се пополнат празните категории, со што сајтот би се делувал комплетно.

Дополнување: повремено
Брзина: брзо
Функционалност: солидна
Дизајн: солиден
Навигација: мала
Пребарувач: нема
Клучни зборови: нема
Јавен бројач: нема
РСС/АТОМ: нема
Гугл Ранг : 2/10
Јазик: македонски, англиски
Политика за приватност: нема
Адреса: www.mnt.com.mk

Напишано од Миша Вучиќевиќ