18 декември 2005

Критериуми за избор на „веб-сајт на денот“ (1)

Иако во основа, било кој веб-сајт може да заслужи место во рубриката „веб-сајт на денот,“ сепак постојат определени критериуми кои влијаат на изборот. Во листата се наведени дел од нив.

Достапност
Предност имаат веб-сајтовите што работат. Веб-сајт што не работи нема зошто да биде прикажан. Функционирањето на веб-сајтот се проверува најмалку три пати:
  • при откривањето,
  • при пишувањето на рецензијата и на
  • самиот ден на вметнување на написот во весникот. На третиот пат се зема и слика од екранот.
Доколку еден веб-сајт често паѓа или е повремено недостапен од некоја друга причина, потешко влегува во изборот - освен ако особено не се истакнува по некоја друга особина.

Интересност
Оваа особина е тешко да се дефинира, а се однесува на она што веб-сајтот го издвојува од мноштвото други достапни веб-сајтови слични на него, кои во одредени случаи ги има буквално милиони. Целта на рубриката е на читателите да им презентира нешто што го заслужува нивното внимание. Тоа може да биде поради:
  • содржините - на сајтот има полезни или занимливи работи за читање, гледање, интеракција, особено ако покрај квалитетот се нуди и квантитет,
  • особини на техничкиот дизајн - кои може да послужат како пример за добри или лоши практики,
  • актуелност поради други околности - на пр. веб-сајтот се однесува на личност или настан од интерес за јавноста.
Комплетност
Недовршени, недоносени, запуштени или напуштени веб-сајтови имаат помалку шанси да бидат рецензирани од комплетни, односно комплетирани презентации, па макар овие вториве да се минималистички дела чив концепт налага да немаат големо количество содржини.

Типичен негативен пример се сугестиите „тукушто отворивме веб-сајт, дојдете да го видите.“ Ако при посетата се утврди дека е поставена само насловна страница и две-три други, а најголем дел од линковите се „во изградба“ и без функционалност, а веб-сајтот не се истакнува по другите критериуми... тогаш таквата сугестија се остава во сандачето за е-пошта и се проверува во моменти на екстремен недостаток на инспирација кај тимот. Пораките од тоа сандаче понекогаш ги снемува од технички причини.

(продолжува...)

7 коментари:

Анонимен рече...

Samo edna mala zabeleska - nedonoseni sajtovi???

Развигор рече...

А во што е забелешката? :-)

Недоносено - родено предвреме, пред да заврши процесот што природно би требало да претходи на раѓањето.

Анонимен рече...

http://tirekovmirece.com

Развигор рече...

А ова од претходниов пост е демек, пример што треба да ја надополни дискусијата над него?

Анонимен рече...

ОК, се извинувам за мојата политичка ултра-коректност :)

Анонимен рече...

А зошто го нема блогот на рибаро во колоната Мак. Блогосфера? :)

Анонимен рече...

Mnogu interesen sajt http://digital.nb.rs/scr/index.php