27 март 2008

Македонскиот пребарувач Набу

Набу е пребарувач специјализиран за пребарување на македонски содржини на Интернет. Изработен е од страна на Игор Трајковски кој неколку месеци има работено во Гугл како стажант.

Интерфејсот на главната страница е едноставен, прегледен и забавен. Кога посетителот ќе почне да го впишува текстот за кој сака да добие информации, под полето за пребарување се појавуваат сугестии како листа од зборови кои почнуваат на зададената буква. Како се продолжува со пишувањето, така листата со сугестии станува поконкретна. Поради тоа, испишувањето на зборовите може да се прекине штом се забележи дека се понудени во листата со сугестии. Ова важи и кога се пишува на латиница.

Втората добра работа во врска со овој пребарувач е што можете да го прецизирате времето на објавување на содржините за кои сакате да добиете информации. Како дополнително прецизирање на пребарувањето, може да се избере од листата категории: Македонија, Хардвер, Образование, Вести и сл. Од скоро, во рамките на Набу, може да се пребаруваат и слики објавени на македонски сајтови.

Како најдобро да ги искористите пребарувачките можности на Набу, можете да прочитате во делот Како до подобри резултати, што ќе го здогледате кога ќе започнете со пребарување. Доколку имате некакви предлози, упатете ги до креаторот на Набу.

Дополнување: редовно
Брзина: брзо
Функционалност: одлична
Дизајн: едноставен
Навигација: минимална
Пребарувач: има
Клучни зборови: нема
Јавен бројач: нема
РСС/Атом: нема
Гугл-ранг: 3/10
Јазик: македонски
Адреса: www.nabu.com.mk

2 коментари:

Анонимен рече...

Пред да ставате коментари ќе ве молам поубаво да ја разгледате страната во однос на тоа кој е автор, во која состојба е страната и што конкретно е нејзината намена.... "Доколку имате некакви предлози, упатете ги до креатор(ите) на Набу" .

Анонимен рече...

RSS/Atom : Има, и тоа за какви сакате keywords за вести или хардвер! И пак ќе кажам, разгледајте убаво... Во секој случај ми се допаѓа вашиот блог....