Сервис за патниците

Доплр е онлајн сервис, пред се наменет за бизнисмените кои често патуваат. Секако и останатите луѓе кои патуваат и сакаат да ги евидентираат своите патувања, можат да се приклучат кон сервисот. Потребно е да се регистрираат сите престојувања на еден патник, надвор од својата матична држава или град, да се одредат дополнителните параметри како што се моментот и периодот на престој, после што ваквите информации може да се поделат со други.

Откако посетителите еднаш ќе се регистрираат на доплр, во секое време можат да поканат други луѓе кои ќе можат да ги следат нивните патувања. Во посебна листа се групирани и информациите за патувањата на други корисници на сервисот кои истите ги поделиле со вас. Во посебен дел, се води запис кој континуирано ги следи сите важи регистрирани дестинации и на некој начин претставува личен дневник на вашите патувања. Интересно е што при секоја посета на доплр може да се сретнете со различна фотографија на почетната страница на која се прикажува некоја локација од светот, а која е заштитена со Криејтив комонс лиценца.

Сервисот е погоден за луѓето кои често патуваат бидејќи овозможува истовремено информирање на сите засегнати пријатели и соработници за наредните патувања. Дополнителни информации за тоа како се користи сервисот и и кои се неговите можности ќе добиете доколку ја погледнете подготвената доплр турнеја. За да ги следите новините во можностите на сервисот, посетете го блогот кој постои за таа цел, преку соодветниот линк на главната страница.

Дополнување: често
Брзина: брзо
Функционалност: одлична
Дизајн: комбиниран
Навигација: минимална
Пребарувач: има
Клучни зборови: нема
Јавен бројач: нема
РСС/Атом: има
Гугл-ранг: 7/10
Јазик: англиски
Адреса: http://www.dopplr.com